________________
६१०
ठाणं
दुग्गति-सुगति-पदं १३८. चत्तारि दुग्गतीओ पण्णत्ताओ, तं जहा-णेरइयदुग्गती, तिरिक्खजोणियदुग्गती,
मणुस्सदुग्गती, देवदुग्गती ॥ १३६. चत्तारि सोग्गईओ पण्णत्ताओ, तं जहा-सिद्धसोग्गती, देवसोग्गती, मणुय
सोग्गती, सुकुलपच्चायाती ॥ १४०. चत्तारि दुग्गता पण्णत्ता, तं जहा–णेरइयदुग्गता, तिरिक्खजोणियदुग्गता',
मणुयदुग्गता', देवदुग्गता ॥ १४१. चत्तारि सुग्गता पण्णत्ता, तं जहा-सिद्धसुग्गता', 'देवसुग्गता, मणुयसुग्गता,
सुकुलपच्चायाया ॥ कम्मंस-पदं १४२. पढमसमयजिणस्स णं चत्तारि कम्मंसा खीणा भवंति, तं जहा-णाणावरणिज्ज,
दंसणावरणिज्जं, मोहणिज्ज, अंतराइयं ।। १४३. उप्पण्णणाणदंसणधरे णं अरहा जिणे केवली चत्तारि कम्मंसे वेदेति, तं जहा
वेदणिज्ज, आउयं, णाम, गोतं ॥ १४४. पढमसमयसिद्धस्स णं चत्तारि कम्मंसा जुगवं खिज्जति, तं जहा-वेयणिज्ज,
आउयं, णामं, गोतं ॥ हासुप्पत्ति-पदं १४५. चउहि ठाणेहिं हासुप्पत्ती सिया, तं जहा—पासेत्ता, भासेत्ता, सुणेत्ता,
संभरेत्ता ॥ अंतर-पदं १४६. चउविहे अंतरे पण्णते, तं जहा-कटुंतरे, पम्हंतरे, लोहंतरे, पत्थरंतरे ।
एवामेव इत्थिए वा पुरिसस्स वा चउविहे अंतरे पण्णत्ते, तं जहा--कटुंतर
समाणे, पम्हंतरसमाणे, लोहंतरसमाणे, पत्थरंतरसमाणे ।। भयग-पदं १४७. चत्तारि भयगा पण्णत्ता, तं जहा-दिवसभयए', जत्ताभयए, उच्चत्तभयए,
कब्बालभयए।
१. तिरियदुग्गता (क)। २. मणुस्स ° (ख)। ३. सं० पा.-सिद्धसुग्गता जाव सुकुल ° ।
४. अंतरातितं (क, ख, ग)। ५. °भयते (क, ख, ग)। ६. कव्वाडभयते (ख) ।
Jain Education International
For Private & Personal Use Only
www.jainelibrary.org
