________________
चउत्थं ठाणं (पढमो उद्देसो) देव-ठिति-पदं १२८. सक्कस्स णं देविंदस्स देवरणो मज्झिमपरिसाए देवाणं चत्तारि पलिओवमाइं
ठिती पण्णत्ता॥ १२६. ईसाणस्स णं देविंदस्स देवरण्णो मज्झिमपरिसाए देवीणं चत्तारि पलिओवमाई
ठिती पण्णत्ता॥ संसार-पदं १३०. चउव्विहे ससारे पण्णत्ते, तं जहा–दव्वसंसारे, खेत्तसंसारे, कालसंसारे,
भावसंसारे ॥ दिटिठवाय-पदं १३१. चउव्विहे दिट्ठिवाए पण्णत्ते, तं जहा–परिकम्म', सुत्ताई, पुव्वगए, अणुजोगे । पायच्छित्त-पदं १३२. चउव्विहे पायच्छित्ते पण्णत्ते, तं जहा--णाणपायच्छित्ते, दंसणपायच्छित्ते,
चरित्तपायच्छित्ते, वियत्तकिच्चपायच्छित्ते । १३३. चउठिवहे पायच्छित्ते पण्णत्ते, तं जहा–पडिसेवणापायच्छित्ते, संजोयणा
पायच्छित्ते, आरोवणापायच्छित्ते, पलिउंचणापायच्छित्ते ।। काल-पदं १३४. चउव्विहे काले पण्णत्ते, तं जहा-पमाणकाले, अहाउयनिव्वत्तिकाले,
मरणकाले, अद्धाकाले ॥ पोग्गल-परिणाम-पदं १३५. चउविहे पोग्गलपरिणामे पण्णत्ते, तं जहा–वण्णपरिणामे, गंधपरिणामे,
रसपरिणामे, फासपरिणामे ।। चाउज्जाम-पदं १३६. भरहेरवएसु णं वासेसु पुरिम-पच्छिम-वज्जा मज्झिमगा बावीसं अरहंता
भगवंतो चाउज्जामं धम्म पण्णवयंति, तं जहा-सव्वाओ पाणातिवायाओ वेरमणं, सव्वाओ मुसावायाओ बेरमणं, सव्वाओ अदिण्णादाणाओ वेरमणं,
सव्वाओ बहिद्धादाणाओ वेरमणं ।।। १३७. सव्वेसु णं महाविदेहेसु अरहंता भगवंतो चाउज्जामं धम्म पण्णवयंति, तं
जहा--सव्वाओ पाणातिवायाओ वेरमण', 'सव्वाओ मुसावायाओ वेरमणं, सव्वाओ अदिण्णादाणाओ वेरमणं, सव्वाओ बहिद्धादाणाओ वेरमणं ।।
३. सं० पा०-वेरमणं जाव सव्वातो।
१ परिक्कम (क, ग)। २. चियत्त (वृपा)।
Jain Education International
For Private & Personal Use Only
www.jainelibrary.org
