Page Text
________________
तइयं ठाणं (बीओ उद्देसो)
५६१ दच्चा-अदच्चा-पदं २३७. तओ पुरिसजाया पण्णत्ता, तं जहा - दच्चा णामेगे सुमणे भवति, दच्चा णामेगे
दुम्मणे भवति, दच्चा णामेगे जोसुमणे-णोदुम्मणे भवति ।। २३८. तओ पुरिसजाया पण्णत्ता, तं जहा-देमीतेगे सुमणे भवति, देमीतेगे दुम्मणे
भवति, देमीतेगे णोसुमणे-णोदुम्मणे भवति ।।। २३६. तओ पुरिसजाया पण्णत्ता, तं जहा-दासामीतेगे सुमणे भवति, दासामीतेगे
दुम्मणे भवति, दासामीतेगे जोसुमणे-णोदुम्मणे भवति ।। २४०. तओ पुरिसजाया पण्णत्ता, तं जहा-अदच्चा णामेगे सुमणे भवति, अदच्चा
णामेगे दुम्मणे भवति, अदच्चा णामेगे णोसुमणे-णोदुम्मणे भवति ।। २४१. तओ पुरिसजाया पण्णत्ता, तं जहा—ण देमीतेगे सुमणे भवति, ण देमीतेगे
दुम्मणे भवति, ण देमीतेगे णोसुमणे-णोदुम्मणे भवति ।। २४२. तओ पुरिसजाया पण्णत्ता, तं जहा --ण दासामीतेगे सुमणे भवति, ण दासामी
तेगे दुम्मणे भवति, ण दासामीतेगे णोसुमणे-णोदुम्मणे भवति ।। भुंजित्ता-अभुंजित्ता-पदं २४३. तओ पुरिसजाया पण्णत्ता, तं जहा- जित्ता णामेगे सुमणे भवति, भुंजित्ता
णामेगे दुम्मणे भवति, भुंजित्ता णामेगे णोसुमणे-णोदुम्मणे भवति ।। २४४. तओ पुरिसजाया पण्णत्ता, तं जहा- जामीतेगे सुमणे भवति, भुंजामीतेगे
दुम्मणे भवति, भुंजामीतेगे णोसुमणे-णोदुम्मणे भवति ।। २४५. तओ पुरिसजाया पण्णत्ता, तं जहा— जिस्सामीतेगे सुमणे भवति, अॅजिस्सामी
तेगे दुम्मणे भवति, भुंजिस्सामीतेगे णोसुमणे-णोदुम्मणे भवति ॥ २४६. तओ पुरिसजाया पण्णत्ता, तं जहा ---अ जित्ता णामेगे सुमणे भवति, अभंजित्ता
णामेगे दुम्मणे भवति, अभुंजित्ता णामेगे णोसुमणे-णोदुम्मणे भवति ॥ २४७. तओ पुरिसजाया पण्णत्ता, तं जहा--ण भुंजामीतेगे सुमणे भवति, ण भुजामीतेगे
दुम्मणे भवति, ण भुजामीतेगे णोसुमणे-णोदुम्मणे भवति । २४८. तओ पुरिसजाया पण्णत्ता, तं जहा--ण भंजिस्सामीतेगे सुमणे भवति, ण
भुंजिस्सामीतेगे दुम्मणे भवति, ण भुंजिस्सामीतेगे जोसुमणे-णोदुम्मणे भवति ॥ लभित्ता-अलभित्ता-पदं २४६. तओ पुरिसजाया पण्णत्ता, तं जहा--लभित्ता णामेगे सुमणे भवति, लभित्ता
णामेगे दुम्मणे भवति, लभित्ता णामेगे जोसुमणे-णोदुम्मणे भवति । २५०. तओ पुरिसजाया पण्णत्ता, तं जहा–लभामीतेगे सुमणे भवति, लभामीतेगे
दुम्मणे भवति, लभामीतेगे णोसुमणे-णोदुम्मणे भवति॥ २५१. तओ पुरिसजाया पण्णत्ता, तं जहा-लभिस्सामीतेगे सुमणे भवति, लभिस्सामी
तेगे दुम्मणे भवति, लभिस्सामीतेगे णोसुमणे-णोदुम्मणे भवति ।।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |