Page Text
________________
५६०
ठाणं
२२२. तओ पुरिसजाया पण्णता, तं जहा-अच्छिदित्ता णामेगे सुमणे भवति,
अछिदित्ता णामेगे दुम्मणे भवति, अछिदित्ता णामेगे णोसुमणे-णोदुम्मणे भवति ।। २२३. तओ पुरिसजाया पण्णत्ता, तं जहा –ण छिदामीतेगे सुमणे भवति, ण छिदामी
तेगे दुम्मणे भवति, ण छिदामोतेगे णोसुमणे-णोदुम्मणे भवति । २२४. तओ पुरिसजाया पण्णत्ता, तं जहा-ण छिदिस्सामीतेगे सुमणे भवति, ण
छिदिस्सामीतेगे दुम्मणे भवति, ण छिदिस्सामीतेगे णोसुमणे-णोदुम्मणे भवति ।। बूइत्ता-अबूइत्ता-पदं २२५. तओ पुरिसजाया पण्णता, तं जहा-बूइत्ता णामेगे सुमणे भवति, बूइत्ता णामेगे
दम्मणे भवति, बुइत्ता णामेगे जोसमणे-णोदम्मणे भवति ॥ २२६. तओ पुरिसजाया पण्णत्ता, तं जहा–बेमीतेगे सुमणे भवति, बेमीतेगे दुम्मणे
भवति, बेमौतेगे णोसुमणे-णोदुम्मणे भवति । २२७. तओ पुरिसजाया पण्णत्ता, तं जहा—वोच्छामीतेगे सुमणे भवति, वोच्छामीतेगे
दुम्मणे भवति, वोच्छामीतेगे णोसुमणे-णोदुम्मणे भवति ।। २२८. तओ पुरिसजाया पण्णत्ता, तं जहा—अबूइत्ता णामेगे सुमणे भवति, अबूइत्ता
णामेगे दुम्मणे भवति, अबूइत्ता णामेगे णोसुमणे-णोदुम्मणे भवति ॥ २२६. तओ पुरिसजाया पण्णता, तं जहा–ण बेमोतेगे सुमणे भवति, ण बेमीतेगे
दुम्मणे भवति, ण बेमीतेगे णोसुमणे-णोदुम्मणे भवति ।। २३०. तओ पुरिसजाया पण्णत्ता, तं जहा -- ण वोच्छामीतेगे सुमणे भवति, ण
वोच्छामीतेगे दुम्मणे भवति, ण वोच्छामीतेगे णोसुमणे-णोदुम्मणे भवति ।। भासित्ता-अभासित्ता-पदं २३१. तओ पुरिसजाया पण्णत्ता, तं जहा-भासित्ता णामेगे सुमणे भवति, भासित्ता
णामेगे दुम्मणे भवति, भासित्ता णामेगे जोसुमणे-णोदुम्मणे भवति ॥ २३२. तओ परिसजाया पण्णता, तं जहा-भासामीतेगे सुमणे भवति, भासामीतेगे
दुम्मणे भवति, भासामीतेगे णोसुमणे-णोदुम्मणे भवति ।। २३३. तओ पुरिसजाया पण्णत्ता, तं जहा-भासिस्सामीतेगे सुमणे भवति,
भासिस्सामीतेगे दुम्मणे भवति, भासिस्सामीतेगे णोसुमणे-णोदुम्मणे भवति ॥ २३४. तओ परिसजाया पण्णत्ता, तं जहा --अभासित्ता णामेगे सुमण भवति, अभासित्ता
णामेगे दुम्मणे भवति, अभासित्ता णामेगे णोसुमणे-णोदुम्मणे भवति ॥ २३५. तओ पुरिसजाया पण्णत्ता, तं जहा –ण भासामीतेगे सुमणे भवति, ण भासामी
तेगे दुम्मणे भवति, ण भासामीतेगे णोसुमणे-णोदुम्मणे भवति ।। २३६. तओ पुरिसजाया पण्णत्ता, तं जहा-ण भासिस्सामीतेगे सुमणे भवति, ण
भासिस्सामीतेगे दुम्मणे भवति, ण भासिस्सामीतेगे णोसुमणे-णोदुम्मणे भवति ॥
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |