________________
ठाणं
६७. वाणमंतराणं जहा असुरकुमाराणं' ।। ६८. वेमाणियाणं तओ लेस्साओ पण्णत्ताओ, तं जहा-तेउलेसा, पम्हलेसा,
सुक्कलेसा ॥ तारारूव-चलण-पदं ६९. तिहिं ठाणेहिं तारारूवे चलेज्जा, तं जहा-विकुव्वमाणे वा, परियारेमाणे वा,
ठाणाओ वा ठाणं संकममाणे-तारारूवे चलेज्जा ।। देवविक्किया-पदं ७०. तिहि ठाणेहिं देवे विज्जुयारं करेज्जा, तं जहा-विकुव्वमाणे वा, परियारेमाणे
वा, तहारूवस्स समणस्स वा माहणस्स वा इड्ढि जुतिं जसं बलं वीरियं
पुरिसक्कार-परक्कम उवदंसेमाणे-देवे विज्जुयारं करेज्जा ॥ ७१. तिहिं ठाणेहि देवे थणियसदं करेज्जा, तं जहा-विकुव्वमाणे वा, “परियारे
माणे वा, तहारूवस्स समणस्स वा माहणस्स वा इड्ढि जुतिं जसं बलं वीरियं
पुरिसक्कार-परक्कम उवदंसेमाणे-देवे थणियसदं करेज्जा ॥ . अंधयार-उज्जोयाइ-पदं ७२. तिहि ठाणेहिं लोगंधयारे सिया, तं जहा -अरहतेहि वोच्छिज्जमाणेहि, अरहंत
पण्णत्ते धम्मे वोच्छिज्जमाणे, पुव्वगते वोच्छिज्जमाणे ।। ७३. तिहि ठाणेहिं लोगुज्जोते सिया, तं जहा-अरहंतेहिं जायमाणेहि, अरहंतेहिं
पव्वयमाणेहि, अरहताणं णाणुप्पायमहिमासु ॥ ७४. तिहिं ठाणेहिं देवंधकारे सिया, तं जहा-अरहंतेहिं वोच्छिज्जमाणेहि, अरहंत
पण्णत्ते धम्मे वोच्छिज्जमाणे, पुव्वगते वोच्छिज्जमाणे ।। ७५. तिहि ठाणेहिं देवुज्जोते सिया, तं जहा-अरहंतेहिं जायमाणेहि, अरहतेहि
पव्वयमाणेहि, अरहंताणं णाणुप्पायमहिमासु ॥ ७६. तिहिं ठाणेहि देवसण्णिवाए सिया, तं जहा---अरहंतेहिं जायमाणेहि, अरहंतेहि
पव्वयमाणेहि, अरहंताणं णाणुप्पायमहिमासु ॥ ७७. "तिहिं ठाणेहिं देवुक्कलिया सिया, तं जहा-अरहंतेहिं जायमाणेहिं, अरहंतेहिं
पव्वयमाणेहि, अरहंताणं णाणुप्पायमहिमासु ॥ ७८. तिहिं ठाणेहिं देवकहकहए सिया, तं जहा-अरहंतेहिं जायमाणेहि, अरहंतेहि
पव्वयमाणेहि, अरहंताणं णाणुप्पायमहिमासु ॥ १. ठा० ३१५६ ।
थणियसइंपि । २. विज्जुतार (क, ख, ग)।
५. अरहंतेसु (क)। ३. पुरिसगार ° (क, ग)।
६. सं० पा.-एवं देवुक्क लिया देवकहकहए। ४. सं० पा०-- एवं जहा विज्जुतारं तहेव
Jain Education International
For Private & Personal Use Only
www.jainelibrary.org
