________________
तइयं ठाणं (पढमो उद्देसो)
५४३ २५. णेरइयाणं तओ दंडा पण्णत्ता, तं जहा-मणदंडे, वइदंडे, कायदंडे । विगलिंदिय
वज्जं जाव' वेमाणियाणं॥ गरहा-पदं २६. तिविहा गरहा पण्णत्ता, तं जहा—मणसा वेगे गरहति, वयसा वेगे गरहति,
कायसा वेगे गरहति-पावाणं कम्माणं अकरणयाए। अहवा-गरहा तिविहा पण्णत्ता, तं जहा-दोहंपेगे अद्धं गरहति, रहस्संपेगे
अद्धं गरहति, कायंपेगे पडिसाहरति—पावाणं कम्माणं अकरणयाए। पच्चक्खाण-पदं २७. तिविहे पच्चक्खाणे पण्णत्ते, तं जहा-मणसा वेगे पच्चक्खाति, वयसा वेगे
पच्चक्खाति, कायसा वेगे पच्चक्खाति-पावाणं कम्माणं अकरणयाए। अहवा-पच्चक्खाणे तिविहे पण्णत्ते, तं जहा - दीहंपेगे अद्धं पच्चक्खाति, रहस्संपेगे अद्धं पच्चक्खाति, कायंपेगे पडिसाहरति—पावाणं कम्माणं अकरण
याए । उपकार-पदं २८. तओ रुक्खा पण्णत्ता, तं जहा—'पत्तोवगे, पुप्फोवगे"", फलोवगे ।
एवामेव तओ पुरिसजाता पण्णत्ता, तं जहा -पत्तोवारुक्खसमाणे', पुप्फोवारुक्ख
समाणे, फलोवारुक्खसमाणे ।। पुरिसजात-पदं २९. तओ परिसज्जाया पण्णत्ता, तं जहा—णामपुरिसे, ठवणपुरिसे, दव्वपुरिसे ।। ३०. तओ पुरिस नाया पणत्ता, तं जहा –णाणपुरिसे, दंसणपुरिसे, चरित्तपुरिसे ।। ३१. तओ पुरिसज्जाया पण्णत्ता, तं जहा-वेदपुरिसे, चिधपुरिसे, अभिलावपुरिसे ।। ३२. तिविहा पुरिसा पण्णत्ता, तं जहा–उत्तमपुरिसा, मज्झिमपुरिसा, जहण्ण
पुरिसा ॥ ३३. उत्तमपुरिसा तिविहा पण्णत्ता, तं जहा-धम्मपुरिसा, भोगपुरिसा, कम्म
परिसा। धम्मपरिसा अरहता', भोगपुरिसा चक्कवट्टी, कम्मपूरिसा वासुदेवा ।। ३४. मज्झिमपुरिसा तिविहा पण्णत्ता, तं जहा--उग्गा, भोगा, राइण्णा ।। ३५. जहण्णपुरिसा तिविहा पण्णत्ता, तं जहा-दासा, भयगा, भाइल्लगा ।
१. ठा० ११४२-१५१, १६८-१६३ । २. वइसा (क, ग)। ३. °णताते (क, ग)। ४. सं० पा०–एवं जहा गरहा तहा पच्चक्खाणे
वि दो आलावगा। ५. पत्तोवेगे पुप्फोवेगे (ख)।
६. 'पत्तोवग' इत्यादिवाच्ये पत्तोवा इत्यादिकं
प्राकृतलक्षणवशादुक्तं, 'समाणे' इत्यत्रापि
च 'सामाणे' (वृ)। ७. अरिहंता (ख)। ८. भातिल्लगा (क, ख,ग)।
Jain Education International
For Private & Personal Use Only
www.jainelibrary.org
