________________
बीअं ठाणं (चउत्थी उद्देसो) ४५५. दोसु कप्पेसु देवा तेउलेस्सा पण्णत्ता, तं जहा-सोहम्मे चेव, ईसाणे चेव ।। ४५६. दोसु कप्पेसु देवा कायपरियारगा पण्णत्ता, तं जहा-सोहम्मे चेव, ईसाणे चेव ।। ४५७. दोसु कप्पेसु देवा फासपरियारगा पण्णत्ता, तं जहा–सणंकुमारे चेव,
__माहिंदे चेव ॥ ४५८. दोसु कप्पेसु देवा रूवपरियारगा पण्णत्ता, तं जहा-बंभलोगे चेव, लंतगे चेव ।। ४५६. दोसु कप्पेसु देवा सद्दपरियारगा पण्णत्ता, तं जहा-महासुक्के चेव,
सहस्सारे चेव ।। ४६०. दो इंदा मणपरियारगा पण्णत्ता, तं जहा-पाणए चेव, अच्चुए चेव ।। पावकम्म-पदं ४६१. जीवाणं दुट्ठाणणिव्वत्तिए पोग्गले पावकम्मत्ताए चिणिसु वा चिणंति वा
चिणिस्संति वा, तं जहा--तसकायणिव्वत्तिए चेव, थावरकायणिव्वत्तिए चेव ।। ४६२. "जीवा णं दुट्ठाणणिव्वत्तिए पोग्गले पावकम्मत्ताए° उवचिणिसु वा उवचिणंति
वा उवचिणिस्संति वा, बंधिसु वा बंधेति वा बंधिस्संति वा, उदीरिंसु वा उदीरेंति वा उदीरिस्संति वा, वेदेंसु वा वेदेति वा वेदिस्संति वा, णिजरिसु वा णिज्जरेंति वा णिज्जरिस्संति वा, 'तं जहा-तसकायणिव्वत्तिए चेव,
थावरकायणिव्वत्तिए चेव ।। पोग्गल-पदं ४६३. दुपएसिया खंधा अणंता पण्णत्ता ।। ४६४. दुपदेसोगाढा पोग्गला अणंता पण्णत्ता । ४६५. एवं जाव' दुगुणलुक्खा पोग्गला अणंता पण्णत्ता ।।
१. सं० पा०–एवं।
२. ठा० ११२५५,२५६ ।
Jain Education International
For Private & Personal Use Only
www.jainelibrary.org
