________________
ठाणं
४३६. दो तित्थगरा पियंगुसामा वण्णेणं पण्णत्ता, तं जहा-मल्ली चेव, पासे चेव ॥ ४४०. दो तित्थगरा पउमगोरा वण्णेणं पण्णत्ता, तं जहा-पउमप्पहे चेव,
वासुपुज्जे चेव ॥ ४४१. दो तित्थगरा चंदगोरा वण्णणं पण्णत्ता, तं जहा-चंदप्पभे चेव, पुप्फदंते चेव ॥ पुव्ववत्थु-पदं ४४२. सच्चप्पवायपुव्वस्स णं दुवे वत्थू पण्णत्ता । णक्खत्त-पदं ४४३. पुव्वाभद्दवयाणवखत्ते दुतारे पण्णत्ते ॥ ४४४. 'उत्तराभद्दवयाणवखत्ते दुतारे पण्णत्ते ।। ४४५. "पुवफग्गुणीणवखत्ते दुतारे पण्णत्ते ॥ ४४६. उत्तराफग्गुणीणवखत्ते दुतारे पण्णत्ते ।। समुद्द-पदं ४४७. अंतो णं मणुस्सखेत्तस्स दो समुद्दा पण्णत्ता, तं जहा- लवणे चेव, कालोदे चेव ।। चक्कवट्रि-पदं ४४८. दो चक्कवट्टी अपरिचत्तकामभोगा कालमासे कालं किच्चा अहेसत्तमाए
पुढवीए अपइट्ठाणे णरए णेरइयत्ताए उववण्णा, तं जहा-सुभूमे चेव, बंभदत्ते चेव ॥
देव-पदं ४४६. असुरिंदवज्जियाणं भवणवासीणं देवाणं उक्कोसेणं देसूणाई दो पलिओवमाइं
ठिती पण्णत्ता ॥ ४५०. सोहम्मे कप्पे देवाणं उक्कोसेणं दो सागरोवमाइं ठिती पण्णत्ता॥ ४५१. ईसाणे कप्पे देवाणं उक्कोसेणं सातिरेगाई दो सागरोवमाइं ठिती पण्णत्ता॥ ४५२. सणंकुमारे कप्पे देवाणं जहण्णेणं दो सागरोवमाइं ठिती पण्णत्ता । ४५३. माहिदे कप्पे देवाणं जहण्णेणं साइरेगाइं दो सागरोवमाइं ठिती पण्णत्ता ॥ ४५४. दोसु कप्पेसु कप्पित्थियाओ पण्णत्ताओ, तं जहा-सोहम्मे चेव, ईसाणे चेव ॥
१. °समा (क)। २. पासो (ग)। ३. वासपुज्जे (क, ग)। ४. पुष्प° (क, ग)। ५. वत्थू पं सुभनामे चेव असुभनामे चेव (क)।
६. पुव्व ° (ख)। ७. उत्तर ° (ख); X (ग)। ८. सं० पा०-एवं पुव्वफगुणी उत्तराफग्गुणी। ६. पू०-ठा० १११४३-१५१ ।
Jain Education International
For Private & Personal Use Only
www.jainelibrary.org
