________________
५१६
बीअं ठाणं (तइओ उद्देसो) जम्म-मरण-पदं २५०. दोण्हं उववाए पण्णत्ते, तं जहा-देवाणं चेव, णेरइयाणं चेव ।। २५१. दोण्ह उव्वट्टणा पण्णत्ता, तं जहा–णेरइयाणं चेव, भवणवासीणं चेव ।। २५२. दोण्हं चयणे पण्णत्ते, तं जहा-जोइसियाणं चेव, वेमाणियाणं चेव ।। २५३. दोण्हं गब्भवक्कंती पण्णत्ता, तं जहा—मणुस्साणं चेव, पंचेंदियतिरिक्ख
जोणियाणं चेव ।। गब्भत्थ-पदं २५४. दोण्हं गब्भत्थाणं आहारे पण्णत्ते, तं जहा—मणुस्साणं चेव, पंचेंदियतिरिक्ख
जोणियाणं चेव ॥ २५५. दोण्हं गब्भत्थाणं वुड्डी पण्णत्ता, तं जहा -मणुस्साणं चेव, पंचेदियतिरिक्ख
जोणियाणं चेव ॥ २५६. "दोण्हं गब्भत्थाणं-णिवुड्डी विगुव्वणा गतिपरियाए समुग्घाते कालसंजोगे
आयाती मरणे पण्णत्ते, तं जहा–मणुस्साणं चेव, पंचेंदियतिरिक्खजोणियाणं
चेव ॥ २५७. दोण्हं छविपव्वा' पण्णत्ता, तं जहा-मणुस्साणं चेव, पंचिदियतिरिक्ख
जोणियाणं चेव ।। २५८. दो सुक्कसोणितसंभवा पण्णत्ता, तं जहा–मणुस्सा चेव, पंचिंदियतिरिक्ख- जोणिया चेव ॥ ठिति-पदं २५६. दुविहा ठिती पण्णत्ता, तं जहा-कायट्ठिती चेव, भवट्टिती चेव ॥ २६०. दोण्हं कायद्विती पण्णत्ता, तं जहा--मणुस्साणं चेव, पंचिदियतिरिक्ख
जोणियाणं चेव ॥ २६१. दोण्हं भवट्ठिती पण्णत्ता, तं जहा-देवाणं चेव, णेरइयाणं चेव ।। आउय-पदं २६२. दुविहे आउए पण्णत्ते, तं जहा—अद्धाउए चेव, भवाउए चेव ।। २६३. दोण्हं अद्धाउए पण्णत्ते, तं जहा-मणुस्साणं चेव, पंचिदियतिरिक्खजोणियाणं
चेव ॥ २६४. दोण्हं भवाउए पण्णत्ते, तं जहा–देवाणं चेव, णेरइयाणं चेव ॥
१. सं० पा०-एवं। २. आयाई (ग)।
३. छविपव्वत्ति (क, ग); छवियत्त, छविपत्त
(वृपा)।
Jain Education International
For Private & Personal Use Only
www.jainelibrary.org
