________________
५१२
ठाणं
दिसादुगे करणिज्ज-पदं १६७. दो दिसाओ अभिगिज्झ कप्पति णिग्गंथाण वा णिग्गंथीण वा पव्वावित्तए
पाईणं चेव, उदीणं चेव ।। "दो दिसाओ अभिगिज्झ कप्पति णिग्गंथाण वा णिग्गंथीण वा मुंडावित्तए, सिक्खावित्तए, उवट्ठावित्तए, संभंजित्तए, संवासित्तए, सज्झायमुद्दिसित्तए, सज्झायं समुद्दिसित्तए, सज्झायमणुजाणित्तए, आलोइत्तए, पडिक्कमित्तए, णिदित्तए, गरहित्तए, विउट्टित्तए, विसोहित्तए, अकरणयाए अन्भुट्टित्तए अहारिहं
पायच्छित्तं तवोकम्म पडिवज्जित्तए— पाईण चेव, उदीणं चेव ॥ १६६. दो दिसाओ अभिगिझ कप्पति णिग्गंथाण वा णिग्गंथीण वा अपच्छिम
मारणंतियसंलेहणा-जूसणा-जूसियाणं भत्तपाणपडियाइक्खिताणं पाओवगताणं कालं अणवकंखमाणाणं विहरित्तए, तं जहा-पाईणं चेव, उदीणं चेव ।।
बीओ उद्देसो
वेदणा-पदं
१७०. जे देवा उड्डोववण्णगा कप्पोववण्णगा विमाणोववण्णगा चारोववण्णगा चार
द्वितिया गतिरतिया गतिसमावण्णगा, तेसि णं देवाणं सता समितं जे पावे कम्मे कज्जति, तत्थगतावि एगतिया वेदणं वेदेति, अण्णत्थगतावि एगतिया वेदणं
वेदेति ।। १७१. णेरइयाणं सता समियं जे पावे कम्मे कज्जति, तत्थगतावि एगतिया वेदणं
वेदेति, अण्णत्थगतावि एगतिया वेदणं वेदेति जाव' पंचिदियतिरिक्खजोणियाणं॥ १७२. मणुस्साणं सता समितं जे पावे कम्मे कज्जति, इहगतावि एगतिया वेदणं
वेदेति, अण्णत्थगतावि एगतिया वेदणं वेदेति । मणुस्सवज्जा सेसा एक्कगमा ॥ गति-आगति-पदं १७३. णेरइया दुगतिया दुयागतिया पण्णत्ता, तं जहा-णेरइए णेरइएसु उववज्जमाणे
मणुस्सेहितो वा पंचिंदियतिरिक्खजोणिएहितो वा उववज्जेज्जा। से चेव णं से णेरइए णेरइयत्तं विप्पजहमाणे मणुस्सत्ताए वा पंचिदियतिरिक्खजोणियत्ताए वा गच्छेज्जा ।।
१. सं० पा०-एवं। २. ठितीया (क, ग)।
३. ठा० १११४२-१५६ ।
Jain Education International
For Private & Personal Use Only
www.jainelibrary.org
