________________
बीअं ठाणं (पढमो उद्देसो)
५११ सरीर-पदं १५३. णेरइयाणं दो सरीरगा पण्णत्ता, तं जहा-अब्भंतरगे चेव, बाहिरगे चेव ।
अब्भंतरए कम्मए, बाहिरए वेउव्विए । १५४. "देवाणं दो सरीरगा पण्णता, तं जहा-अब्भंतरगे चेव, बाहिरगे चेव ।
अब्भंतरए कम्मए, बाहिरए वेउव्विए । १५५. पुढविकाइयाणं दो सरीरगा पण्णत्ता, तं जहा-अब्भंत रगे चेव, बाहिरगे चेव ।
अब्भंतरगे कम्मए, बाहिरगे ओरालिए जाव' वणस्सइकाइयाणं ।। १५६. बेइंदियाणं दो सरीरा पण्णत्ता, तं जहा-अब्भंतरगे चेव, बाहिरगे चेव ।
अब्भंतरगे कम्मए, अट्ठिमंससोणितबद्धे बाहिरगे ओरालिए ।। १५७. "तेइंदियाणं दो सरीरा पण्णत्ता, तं जहा-अब्भंतरगे चेव, बाहिरगे चेव ।
अब्भंतरगे कम्मए, अट्ठिमंससोणितबद्धे बाहिरगे ओरालिए । चरिदियाणं दो सरीरा पण्णत्ता, तं जहा-अब्भंतरगे चेव, बाहिरगे चेव ।
अब्भंतरगे कम्मए, अट्ठिमंससोणितबद्धे बाहिरगे ओरालिए । १५६. पंचिंदियतिरिक्खजोणियाणं दो सरीरगा पण्णत्ता, तं जहा-अब्भंतरगे चेव,
बाहिरगे चेव । अब्भंतरगे कम्मए, अट्ठिमंससोणियण्हारुछिराबद्धे बाहिरगे
ओरालिए। १६०. "मणस्साणं दो सरीरगा पण्णत्ता, तं जहा-अब्भंतरगे चेव, बाहिरगे चेव ।
अब्भंतरगे कम्मए, अट्ठिमंससोणियण्हारुछिराबद्ध बाहिरगे ओरालिए •॥ १६१. विग्गहगइसमावण्णगाणं णेरइयाणं दो सरीरगा पण्णत्ता, तं जहा-तेयए चेव,
कम्मए चेव । णिरंतरं जाव' वेमाणियाणं ॥ १६२. णेरइयाणं दोहि ठाणेहि सरीरुप्पत्ती सिया, तं जहा-रागेण चेव, दोसेण चेव
जाव वेमाणियाणं ॥ १६३. णेरइयाणं दुट्ठाणणिव्वत्तिए सरीरगे पण्णत्ते, तं जहा–रागणिव्वत्तिए चेव,
दोसणिव्वत्तिए चेव जाव' वेमाणियाणं ॥ काय-पदं १६४. दो काया पण्णता, तं जहा -तसकाए चेव, थावरकाए चेव ।। १६५. तसकाए दुविहे पण्णत्ते, तं जहा-भवसिद्धिए चेव, अभवसिद्धिए चेव ।। १६६. "थावरकाए दुविहे पण्णत्ते, तं जहा-भवसिद्धिए चेव, अभवसिद्धिए चेव ॥
१. सं० पा०–एवं देवाणं भाणियव्वं । २ ठा० १.१५३-१५५ । ३. सं० पा०-जाव चरिंदियाणं । ४. सं० पा०-मणस्साणं वि एवं चेव ।
५. ठा० १।१४२-१६३ । ६. ठा० १।१४२-१६३ । ७. ठा० १११४२.१६३ । ८. सं० पा०—एवं थावरकाए वि ।
Jain Education International
For Private & Personal Use Only
www.jainelibrary.org
