________________
सत्तमं अज्झयणं
नालंदइज्जं
उक्त्र-पदं
१. तेणं कालेणं तेणं समएणं रायगिहे णामं णयरे होत्था -- रिद्धत्थिमियसमिद्धे' sa ||
२ तस्स णं रायगिहस्स णयरस्स बहिया' उत्तरपुरत्थि मे दिसीभाए, एत्थ णं णालंदा णामं बाहिरिया होत्या - अणेगभवणसयसण्णिविट्ठा' 'पासादीया दरिसणीया अभिरूवा पडिरूवा ॥
लेव-गाहावइ-पदं
३. तत्थ णं णालंदा बाहिरियाए लेवे णामं गाहावई होत्था - अड्ढे 'दित्ते वित्ते" विच्छिण्ण" - विपुल - भवण-सयणासण जाणवाहणा इण्णे बहुधण- बहुजायरूवरजए आओग-पओग-संपत्ते विच्छड्डिय-पउर भत्तपाणे बहुदासी - दास- गो-महिसगवेल गप्पभूए बहुजणस्स अपरिभूए यावि होत्था ||
४. से णं लेवे णामं गाहावई समणोवासए यावि होत्था - अभिगयजीवाजीवे ' • उवलद्ध पुण्णपावे आसव-संवर- वेयण - णिज्जर-किरिय-अहिगरण-बंध- मोक्खकुसले असहेज्जे देवासुर-णाग - सुवण्ण-जक्ख- रक्खस- किण्णर- किंपुरिस गरुलगंधव्व-महोरगाइएहिं देवगणेहिं णिग्गंथाओ पावयणाओ अणतिक्कम णिज्जे,
१. रिद्धि ० ( क ) ।
२. वण्णओ जाव (क, ख ); ओ० सू० १ |
३. बहिता ( क ) ।
४. सं० पा० - अणेगभवणसय सण्णिविट्ठा जाव
पडिरुवा ।
Jain Education International
५. लेए ( क ) ।
६. दित्तचित्ते (चू) |
७. वित्थण (क्व ) ।
८. सं० पा० - अभिगयजीवाजीवे जाव विहरइ ।
४६८
For Private & Personal Use Only
www.jainelibrary.org
