Page Text
________________
३६६
सूयगडो २
कज्जति, तओ वि 'एगच्चाओ पडिविरया जावज्जीवाए,' एगच्चाओ अप्पडि
विरया ॥ ७२. से जहाणामए समणोवासगा भवंति-अभिगयजीवाजीवा उवलद्धपुण्णपावा
आसव-संवर-'वेयण-णिज्जर-किरिय-अहिगरण-बंधमोक्ख-कुसला असहेज्जा' देवासुर-णाग-सुवण्ण-जक्ख-रक्खस-किण्णर-किंपुरिस-गरुल- गंधव्व - महो रगाइएहिं देवगणेहि णिग्गंथाओ पावयणाओ अणतिक्कमणिज्जा, 'इणमो णिग्गंथिए पावयणे" णिस्संकिया णिक्कंखिया णिव्वितिगिच्छा' लद्धट्ठा गहियट्ठा पुच्छियट्ठा विणिच्छियदा अभिगयट्ठा अदिमिजपेम्माण रागरत्ता "अयमाउसो ! णिग्गंथे पावयणे अटू अयं परम सेसे अणट्रे" ऊसियफलिहा अवंगयदवारा 'चियत्ततेउर-परघरदारप्पवेसा' चाउद्दसट्ठमुद्दिट्ठपुण्णमासिणोसु पडिपुण्णं पोसहं सम्म अणुपालेमाणा समणे णिग्गंथे फासुएसणिज्जेणं असण-पाण-खाइम-साइमेणं वत्थपडिग्गह-कंबल-पायपुंछणेणं ओसह-भेसज्जेणं पीढ-फलग-सेज्जासंथारएणं पडिलाभेमाणा बहूहिं सीलव्वय-गुण-वेरमण-पच्चक्खाण-पोसहोववासेहिं अहा
परिग्गहिएहिं तवोकम्मेहि अप्पाणं भावेमाणा विहरंति ॥ ७३. ते णं एयारूवेणं विहारेणं विहरमाणा बहूई वासाइ समणोवासगपरियागं
पाउणंति, पाउणित्ता आबाहंसि उप्पण्णंसि वा अणुप्पण्णंसि वा बहूई भत्ताई पच्चक्खंति, पच्चविखत्ता बहूई भत्ताई अणसणाए छेदंति, छेदित्ता आलोइयपडिक्कंता समाहिपत्ता" कालमासे कालं किच्चा अण्णयरेसु देवलोएसु देवत्ताए उववत्तारो भवंति, तं जहा-महड्डिएसु महज्जुइएसु" महापरक्कमेसु महाजसेसु महब्बलेसु महाणुभावेसु महासोक्खेसु । ते णं तत्थ देवा भवंति ---महड्डिया महज्जुइया महापरक्कमा महाजसा महब्बला महाणुभावा महासोक्खा हार-विराइय-वच्छा कडग-तुडिय-थंभिय-भुया अंगयकुंडल-मट्ठगंडयल-कण्णपीढधारी विचित्तहत्थाभरणा विचित्तमाला-मउलिमउडा कल्लाणग-पवरवत्थपरिहिया कल्लाणग-पवरमल्लाणुलेवणधरा भासुर
१. x (क, ख); प्रत्योः मुद्रितप्रतिषु च नैष ६. अद्विमिजाए ° (ख)।
पाठो लभ्यते, किन्तु प्रकरणानुसारेणासौ ७. अचि यत्तंतेउरपरघरपवेसा (क, ख); यज्यते । वत्तावसौ व्याख्यातोस्ति । औप- अचियत्तंतेउर० (व)।
पातिके (सूत्र १६१) ऽप्यसौ लभ्यते । ८. पाडिहारिएण य पीढ (ओवाइय स० १६२।। २. वेयणानिज्जराकिरियाहिगरण (ख)। ६. अहापडि ° (ख)। ३. असहेज्ज (क); असाहेज्जं (ख)। १०. समाहि° (क)। ४. निग्गंथे पावयणे (ओवाइय सू० १६२)। ११. सं० पा०-महज्जुइएसु जाव महासोक्खेसु ५. णिव्वितिगिछा (क)।
सेस तहेव एसट्ठाणे आरिए जाव एगंतसम्मे ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |