Page Text
________________
३५४
सूयगडो २
पंचमहन्भूतवादि-पदं २३. अहावरे दोच्चे पुरिसजाए पंचमहन्भूइए त्ति आहिज्जइ - इह खलु पाईणं वा
पडीणं वा उदीणं वा दाहिणं वा संतेगइया मणुस्सा भवंति अणपव्वेणं' 'लोग उववण्णा, तं जहा- आरिया वेगे अणारिया वेगे, उच्चागोया वेगे णीयागोया वेगे, कायमंता वेगे हस्समंता वेगे, सवण्णा वेगे दवण्णा वेगे, सरूवा वेगे दुरूवा वेगे । तेसिं च णं मणुयाणं एगे राया भवति–महाहिमवंत-मलय
मंदर-महिंदसारे जाव' पसंतडिंबडमरं रज्जं पसाहेमाणे विहरति ।। २४. तस्स णं रण्णो परिसा भवति-उग्गा उग्गपुत्ता, भोगा भोगपुत्ता, इक्खागा
इक्खागपुत्ता, नागा नागपुत्ता, कोरव्वा कोरव्वपुत्ता, भट्टा भट्टपुत्ता, माहणा
माहणपुत्ता, लेच्छई लेच्छइपुत्ता, पसत्थारो पसत्थपुत्ता, सेणावई सेणावइपुत्ता॥ २५. तेसिं च णं एगइए सड्डी भवति । कामं तं समणा वा माहणा वा संपहारिसु
गमणाए । तत्थ अण्णतरेणं धम्मेणं पण्णत्तारो, वयं इमेणं धम्मेणं पण्णवइस्सामो। से एवमायाणह भयंतारो! जहा मे एस धम्मे सुयक्खाते ° सुपण्णत्ते भवति-इह खलु पंचमहन्भूया जेहिं णो' कज्जइ किरिया इ वा अकिरिया इ वा सुकडे इ वा दुक्कडे इ वा कल्लाणे इ वा पावए इ वा साहू इ वा असाहू इ वा सिद्धी इ वा असिद्धी इ वा णिरए इ वा अणिरए इ वा, 'अवि अंतसो" तणमायमवि ।। तं च पदोद्देसेणं' पुढोभूतसमवायं जाणेज्जा, तं जहा -पुढवी एगे महब्भुते, आऊ दुच्चे महब्भूते, तेऊ तच्चे महब्भूते, वाऊ चउत्थे महब्भूते, आगासे पंचमे महब्भूते । इच्चेते पंच महन्भूया अणिम्मिया अणिम्माविया अकडा णो कित्तिमा ‘णो कडगा" अणादिया अणिधणा अवंझा अपुरोहिता सतता
सासया॥ २७. आयछटा पुण एगे एवमाहु-सतो णत्थि विणासो, असतो णत्थि संभवो ।
एताव ताव जीवकाए, एताव ताव अस्थिकाए, एताव ताव सव्वलोए, एतं
मुहं लोगस्स करणयाए, अवि अंतसो" तणमायमवि ।। २८. से किणं किणावेमाणे, हणं घायमाणे, पयं पयावेमाणे, अवि अंतसो पुरिसमवि
विक्किणित्ता घायइत्ता, 'एत्थं पि जाणाहि'२ णत्थित्थ दोसो ।।
१. सं० पा०--अणुपुवेणं जाव सुपण्णत्ते । २. ओ० सू० १४ । ३. अस्माकम् (वृ)। ४. अवि यंतसो (क); इति० (ख)। ५. पिद्देसेणं (क, ख)। ६. समवायं (चू)।
७. ततिए (क)। ८. अणिमेता (क)। ६. कत्तिमा (चू)। १०. x (चू)। ११. यंतसो (क)। १२. इत्थं पि जाणीहि (क); एस्थ वि जाण (च)।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |