________________
२३४
आयारचूला
गब्भे आहए, तओ णं पभिइ इमं कुलं, विउलेणं हिरण्णणं सुवण्णणं धणेणं धण्णणं माणिक्केणं मोत्तिएणं संख-सिल-प्पवालेणं अईव-अईव परिवड्डइ, तो
होउ णं कुमारे "वद्धमाणे" ॥ बाल-पदं १४. तओ णं समणे भगवं महावीरे पंचधातिपरिवुडे, [तं जहा-खीरधाईए,
मज्जणधाईए, मंडावणधाईए, खेल्लावणधाईए, अंकधाईए,] अंकाओ अंक साहरिज्जमाणे रम्मे मणिकोट्टिमतले गिरिकंदरमल्लीणे व चंपयपायवे अहाणु
पुवीए संवड्डइ ॥ विवाह-पदं १५. तओ णं समणे भगवं महावीरे विण्णायपरिणये विणियत्तबाल-भावे'
अप्पुस्सुयाइं उरालाई माणुस्सगाई पंचलक्खणाई कामभोगाई सद्द-फरिस-रस
रूव-गंधाइं परियारेमाणे, एवं च णं विहरइ ।। नाम-पदं १६. समणे भगवं महावीरे कासवगोत्ते। तस्स णं इमे तिण्णि णामधेज्जा एवमा
हिज्जंति, तं जहा- १. अम्मापिउसंतिए “वद्धमाणे' २. सह-सम्मुइए “समणे" ३. "भीमं भयभेरवं उरालं अचेलयं परिसहं सहइ” त्ति कटु देवेहि से णामं
कयं “समणे भगवं महावीरे" ।। परिवार-पदं १७. समणस्स णं भगवओ महावीरस्स पिआ कासवगोत्तेणं । तस्स णं तिण्णि
णामधेज्जा एवमाहिज्जति, तं जहा–१. सिद्धत्थे ति वा २. सेज्जंसे ति वा
३. जसंसे ति वा॥ १८. समणस्स णं भगवओ महावीरस्स अम्मा वासिट्र-सगोत्ता। तीसेणं तिण्णि
णामधेज्जा एवमाहिज्जति, तं जहा–१. तिसला ति वा २. विदेहदिण्णा ति वा
३. पियकारिणी ति वा।। १६. समणस्स णं भगवओ महावीरस्स पित्तियए 'सुपासे' कासवगोत्तेणं ।। २०. समणस्स णं भगवओ महावीरस्स जेटे भाया ‘णंदिवद्धणे' कासवगोत्तेणं । २१. समणस्स णं भगवओ महावीरस्स जेट्ठा भइणी 'सुदंसणा' कासवगोत्तेणं ॥
१. आहते (च)।
५. विणिवित्त ° (च)। २. असौ कोष्ठकवर्ती पाठः व्याख्यांशः प्रतीयते। ६. अणस्सुयाई (अ, ब)। ३. समल्लोणे (अ, घ)।
७. कणिट्ठा (घ, च)। ४. परिणय (घ, च, छ, ब)।
८. कासवी (च)।
Jain Education International
For Private & Personal Use Only
www.jainelibrary.org
