Page Text
________________
२१४
४.
५.
६.
७.
८.
ε.
आयारचूला
भिक्खू वा भिक्खुणी वा अहावेगइयाई रुवाई पासइ, तं जहा - गामाणि वा, नगराणि वा, णिगमाणि वा, रायहाणीणि वा, आसम-पट्टण - सन्निवेसाणि वा, अण्णयराई वा तहप्पगाराई विरूवरूवाई रुवाई चक्खुदंसण-पडियाए णो अभिसंधारेज्जा गमणाए ।
सेभिक्खू वा भिक्खुणी वा अहावेगइयाई रुवाई पासइ, तं जहा -आरामाणि वा, उज्जाणाणि वा, वणाणि वा, वणसंडाणि वा, देवकुलाणि वा, सभाणि वा, वाणि वा अण्णयराई वा तहप्पगाराई विरूवरूवाई रुवाई चक्खु दंसणपडियाए णो अभिसंधारेज्जा गमणाए ॥
सेभिक्खू वा भिक्खुणी वा अहावेगइयाई रुवाई पासइ तं जहा - अट्टाणि वा, अट्टायाणि वा, चरियाणि वा, दाराणि वा, गोपुराणि वा, अण्णयराई वा तहप्पगाराई विरूवरूवाई रुवाई चक्खुदंसण-पडियाए णो अभिसंधारेज्जा गमणाए ||
सेभिक्खू वा भिक्खुणी वा अहावेगइयाई रुवाई पासइ, तं जहा - तियाणि वा, चउक्काणि वा, चच्चराणि वा, चउंम्मुहाणि वा, अण्णयराई वा तहप्पगाराई विरूवरूवाई रुवाई चक्खुदंसणं-पडियाए णो अभिसंधारेज्जा गमणाए || सेभिक्खू वा भिक्खुणी वा अहावेगइयाई रुवाई पासइ, तं जहा - महिसट्ठाण - करणाणि वा, वसभट्ठाण करणाणि वा अस्सद्वाण करणाणि वा, हत्थिद्वापीकरणाणि वा, कुक्कुडट्ठाण करणाणि वा, मक्कडट्ठाण करणाणि वा, लावयट्ठाण - करणाणि वा, वट्टयट्ठाण करणाणि वा, तित्तिरद्वाण करणाणि वा, कवोयट्ठाण - करणाणि वा, कविजलट्ठाण करणाणि वा अण्णयराई वा तहप्पगाराई विरूवरूवाइं रूवाई चक्खुदंसण-पडियाए णो अभिसंधारेज्जा गमणाए ||
Jain Education International
सेभिक्खू वा भिक्खुणी वा अहावेगइयाई रुवाई पासइ, तं जहा - महिसजुद्धाणिवा, वसभ-जुद्धाणि वा अस्स-जुद्धाणि वा, हत्थि - जुद्धाणि वा, कुक्कडजुद्धाणि वा, मक्कड - जुद्धाणि वा, लावय-जुद्धाणि वा वट्टय-जुद्धाणि वा, तित्तिर- जुद्धाणि वा, कवोय - जुद्धाणि वा कविजल - जुद्धाणि वा अण्णयराई वा पगारा विरूवरूवाई रुवाई चक्खुदंसण-पडियाए णो अभिसंधारेज्जा गमणाए ।
१०. से भिक्खू वा भिक्खुणी वा अहावेगइयाई रुवाई पासइ, तं जहा -- जूहियणिवा, जूहिय-द्वाणाणि वा, गयजूहिय- द्वाणाणि वा अण्णयराई वा तहप्पगाराइं विरूवरूवाई रुवाई चक्खुदंसण - पडियार णो अभिसंधारेज्जा
गमणाए ||
११. से भिक्खू वा भिक्खुणी वा अहावेगइयाई रुवाई पासइ, तं जहाअक्खा इयद्वाणाणि वा, माणुम्माणिय-द्वाणाणि वा, महयाहय णट्ट- गीय-वाइय
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |