________________
सत्तमं अज्झयणं प्रोग्गह-पडिमा
पढमो उद्देसो अदिन्नादाण-पच्चक्खाण-पदं १. समणे भविस्सामि अणगारे अकिंचणे अपुत्ते अपसू परदत्तभोई पावं कम्मं णो
करिस्सामि त्ति समुट्ठाए सव्वं भंते ! अदिण्णादाणं पच्चक्खामि ॥ २. से अणुपविसित्ता गाम वा', 'णगरं वा, खेडं वा, कव्वडं वा, मडंबं वा, पट्टणं
वा, दोणमुहं वा, आगरं वा, णिगम वा, आसमं वा, सण्णिवेसं वा, रायहाणि वा ° –णेव सयं अदिन्नं गिण्हेज्जा, णेवण्णेणं अदिण्णं गिण्हावेज्जा, णेवण्णं
अदिण्णं गिण्हतं पि समणुजाणेज्जा ।। ओग्गह-पदं ३. जेहिं वि सद्धि संपव्वइए, तेसि पि याइं भिक्खू छत्तयं' वा, मत्तयं वा, दंडगं वा,
'लट्ठियं वा, भिसियं वा, नालियं वा, चेलं वा, चिलमिलि वा, चम्मयं वा, चम्मकोसयं वा°, चम्मछेदणगं वा-तेसिं पुवामेव ओग्गहं अणणुण्णविय अपडिलेहिय अपमज्जिय णो गिण्हेज्ज वा, पगिण्हेज्ज' वा। तेसि पुवामेव ओग्गहं अणुण्णविय पडिलेहिय पमज्जिय तओ संजयामेव ओगिण्हेज्ज' वा,
पगिण्हेज्ज वा ॥ ४. से आगंतारेसु वा, आरामागारेसु वा, गाहावइ-कुलेसु वा, परियावसहेसु वा
अणुवीइ ओग्गहं जाएज्जा, जे तत्थ ईसरे, जे तत्थ समहिट्ठाए, ते ओग्गहं अणुण्णवेज्जा । कामं खलु आउसो ! अहालंदं अहापरिण्णातं वसामो, जाव आउसो,
१. सं० पा० --गाम वा जाव'"। २. णेवण्णेहिं (घ, छ)। ३. छत्तं (घ, च)।
४. सं० पा०-दंडगं वा जाव चम्मछेदणगं। ५. परिगिण्हेज्ज (अ)। ६. उ° (घ); उव ° (छ)।
१८५
Jain Education International
For Private & Personal Use Only
www.jainelibrary.org
