Page Text
________________
अभय ( पाएसणा -- बीओ उद्देसो)
१८३
डिग्गहाणि ससंधियाणि मुहुत्तगं- मुहुत्तगं जाइत्ता एगाहेण वा, दुयाहेण वा, तियाहेण वा चउयाहेण वा, पंचाहेण वा विप्पवसिय विष्पवसिय उवागच्छंति, तहप्पगाराणि पडिग्गहाणि णो अप्पणा गिव्हंति, णो अण्णमण्णस्स अणुवयंति, णो पामिच्च करेंति, णो पडिग्गहेण पडिग्गह- परिणामं करेंति, णो परं उवसंकमित्तु एवं वदेति—“आउसंतो ! समणा ! अभिकखसि पडिग्गहं धारेत्तए वा, परिहरेत्तए वा ? " थिरं वा णं संतं णो पलिच्छिदिय-पलिच्छिदिय परिट्ठवेंति । तहप्पगाराणि पडिग्गहाणि ससंधियाणि तस्स चेव णिसिरेंति, णो णं सातिज्जंति, 'से हंता' अहमवि मुहुत्तगं पाडिहारियं पडिग्गहं जाइत्ता एगाहेण वा, दुयाहेण वा, तियाहेण वा, चउयाहेण वा, पंचाहेण वा विप्पवसिय विप्पवसिय उवागच्छिस्सामि । आवियाई एयं ममेव सिया । माइद्वाणं संफासे णो एवं करेज्जा |
पायविविकया-पदं
५६. से भिक्खू वा भिक्खुणी वा णो वण्णमंताई पडिग्गहाई विवण्णाई करेज्जा, विवण्णाई णो वण्णमंताई करेज्जा, "अण्णं वा पडिग्गहगं लभिस्सामि" त्ति कट्टु णो अण्णमण्णस्स देज्जा, णो पामिच्च कुज्जा, णो पडिग्गहेण पडिग्गहपरिणामं करेज्जा, णो परं उवसंकमित्तु एवं वदेज्जा -- " आउसंतो ! समणा ! अभिसि मे पहिं धारेत्तए वा, परिहरेत्तए वा ?" थिरं वा णं संतं णो पलिच्छिदिय-पलिच्छिदिय परिद्ववेज्जा, जहा चेयं पडिग्गहं पावगं परो मन्नइ । परं च णं अदत्तहारि पडिप पेहाए तस्स पडिग्गहस्स णिदाणाए णो तेसि भीओ उम्मग्गेणं गच्छेज्जा, णो मग्गाओ मग्गं संकमेज्जा, णो गहणं वा, वणं वा, दुग्गं वा अणुविज्जा, णो रुक्खंसि दुरुहेज्जा, णो महइमहालयंसि उदयंसि कार्य विउसेज्जा, णो वाडं वा सरणं वा सेणं वा सत्थं वा कंखेज्जा, अप्पुस्सुए अबहिलेस्से एगंतगएणं अप्पाणं वियोसेज्ज समाहीए, तओ संजयामेव गामाणुगामं
इज्जा | आमोसग - पदं
५७. से भिक्खू वा भिक्खुणी वा गामाणुगामं दूइज्जमाणे अंतरा से विहं सिया । सेज्जं पुण विहं जाणेज्जा - इमंसि खलु विहंसि बहवे आमोसगा पडिग्गहपडियाए संपिंडिया गच्छेज्जा, णो तेसिं भीओ उम्मग्गेणं गच्छेज्जा, णो मग्गाओ मग्गं संकमेज्जा, णो गहणं वा, वणं वा, दुग्गं वा अणुपविसेज्जा, णो रुक्खसि दुरुहेज्जा, णो महइमहालयंसि उदयंसि कार्य विउसेज्जा, णो वाडं वा, सरणं वा, सेणं वा, सत्थं वा कंखेज्जा, अप्पुस्सुए अबहिलेस्से एगंतगएणं अप्पाणं वियोसेज्ज समाहीए, तओ संजयामेव गामाणुगामं दूइज्जेज्जा | ५८. से भिक्खू वा भिक्खुणी वा गामाणुगामं दूइज्जमाणे अंतरा से आमोसगा पिंडिया गच्छेज्जा । ते णं आमोसगा एवं वदेज्जा - "आउसंतो ! समणा !
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |