________________
पचम अज्झयणं (वत्थेसणा-बीओ उद्देसो)
१६६ ३६. से तमादाए एगंतमवक्कमेज्जा, एगंतमवक्कमेत्ता अहे झामथंडिलंसि वा',
'अद्विरासिंसि किट्टरासिसि वा, तुसरासिसि वा, गोमयरासिसि वा', अण्णयरंसि वा तहप्पगारंसि थंडिलंसि पडिलेहिय-पडिले हिय, पमज्जिय
पमज्जिय तओ संजयामेव वत्थं आयावेज्ज वा, पयावेज्ज वा ॥ ४०. एयं खलु तस्स भिक्खुस्स वा भिक्खुणीए वा सामग्गियं', 'जं सवढेहिं समिए सहिए सया जए ज्जासि।
--त्ति बेमि ॥ बीओ उद्देसो णो धोएज्जा रएज्जा-पदं ४१. से भिक्खू वा भिक्खुणी वा अहेसणिज्जाइं वत्थाई जाएज्जा, अहापरिग्गहियाई
वत्थाइं धारेज्जा, णो धोएज्जा णो रएज्जा, णो धोयरत्ताई वत्थाई धारेज्जा,
अपलिउंचमाणे गामंतरेसु ओमचेलिए। एयं खलु वत्थधारिस्स सामग्गियं ।। सव्वचीवरमायाए-पदं ४२. से भिक्खु वा भिक्खुणी वा गाहावइ-कुलं पिंडवाय-पडियाए पविसिउकामे सव्वं
चीवरमायाए गाहावइ-कुलं पिंडवाय-पडियाए णिक्खमेज्ज वा, पविसेज्ज वा ॥ ४३. “से भिक्खू वा भिक्खुणी वा बहिया वियार-भूमि वा, विहार-भूमि वा णिक्खम
माणे वा, पविसमाणे वा सव्वं चीवरमायाए बहिया वियार-भूमि वा विहार
भूमि वा णिक्खमेज्ज वा, पविसेज्ज वा ॥ ४४. से भिक्खू वा भिक्खुणी वा गामाणुगामं दूइज्जमाणे सव्वं चीवरमायाए
गामाणुगामं दूइज्जेज्जा॥ ४५. अह पुणेवं जाणेज्जा-तिव्वदेसियं वा वासं वासमाणं पेहाए, तिव्वदेसियं वा
महियं सण्णिवयमाणि पेहाए, महावाएण वा रयं समुद्धयं पेहाए, तिरिच्छं संपाइमा वा तसा-पाणा संथडा सन्निवयमाणा पेहाए, से एवं णच्चा णो सव्वं चीवरमायाए गाहावइ-कुलं पिंडवाय-पडियाए णिक्खमेज्ज वा, पविसेज्ज वा, बहिया वियार-भूमि वा विहार-भूमि वा णिक्खमेज्ज वा पविसेज्ज वा, गामाणुगामं वा दूइज्जेज्जा ॥
१. सं० पा०--झामथंडिलंसि वा जाव अण्ण
यरंसि। २. सं० पा०--सामग्गियं । ३. सं० पा०–एवं बहिया विचारभूमि वा
विहारभूमि वा गामाणुगामं दूइज्जेजा अह पुणेवं जाणेज्जा तिव्वदेसियं वा वासं वासमाणं पेहाए जहा पिंडेसणाए णवरं सव्वं चीवरमायाए।
Jain Education International
For Private & Personal Use Only
www.jainelibrary.org
