Page Text
________________
आयारचूला पुरिसंतरकडं वा अपुरिसंतरकडं वा, बहिया णीहडं वा अणीहडं वा, अत्तट्ठियं वा अणत्तट्ठियं वा, परिभुत्तं वा अपरिभुत्तं वा, आसेवियं वा अणासेवियं वाअफासुय अणेसणिज्जं ति मण्णमाणे लाभे संते णो पडिगाहेज्जा ॥ "से भिक्खू वा भिक्खुणी वा सेज्जं पुण वत्थं जाणेज्जा-अस्सिपडियाए बहवे साहम्मिया समुद्दिस्स पाणाई भूयाइं जीवाइं सत्ताइं समारब्भ समुद्दिस्स कीयं पामिच्चं अच्छेज्ज अणिसटुं अभिहडं आहट्ट चेएति । तं तहप्पगारं वत्थं पुरिसंतरकडं वा अपुरिसंतरकडं वा, बहिया णीहडं वा अणोहडं वा, अत्तट्ठियं वा अणत्तट्ठियं वा, परिभुत्तं वा अपरिभुत्तं वा, आसेवियं वा अणासेवियं वाअफासयं अणेसणिज्जति मण्णमाणे लाभे संते णो पडिगाहेज्जा॥ से भिक्खू वा भिक्खुणी वा सेज्ज पुण वत्थं जाणेज्जा-अस्सिपडियाए एगं साहम्मिणि समुद्दिस्स पाणाई भूयाइं जीवाइं सत्ताइं समारब्भ समुद्दिस्स कीयं पामिच्चं अच्छेज्ज अणिसटुं अभिहडं आहट्ट चेएति । तं तहप्पगारं वत्थं पुरिसंतरकड वा अपुरिसंतरकडं वा, बहिया णीहडं वा अणीहडं वा, अत्तट्टियं वा अणत्तट्ठियं वा, परिभुत्तं वा अपरिभुत्तं वा, आसेवियं वा अणासेवियं वाअफासुयं अणेसणिज्जं ति मण्णमाणे लाभे संते णो पडिगाहेज्जा॥ से भिक्ख वा भिक्खुणी वा सेज्ज पुण वत्थं जाणेज्जा-अस्सिपडियाए बहवे साहम्मिणीओ समुद्दिस्स पाणाइं भूयाइं जीवाइं सत्ताइं समारब्भ समुद्दिस्स कोयं पामिच्चं अच्छेज्ज अणिसटुं अभिहडं आहटु चेएति । तं तहप्पगारं वत्थं पुरिसंतरकडं वा अपुरिसंतरकडं वा, बहिया णीहडं वा अणीहडं वा, अत्तट्ठियं वा अणत्तट्ठियं वा, परिभुत्तं वा अपरिभुत्तं वा, आसेवियं वा अणासेवियं वा
अफासूयं अणेसणिज्जति मण्णमाणे लाभे संते णो पडिगाहेज्जा ।। समण-माहणाइ-समुद्दिस्स-वत्थ-पदं
से भिक्खू वा भिक्खुणी वा सेज्जं पुण वत्थं जाणेज्जा-बहवे समण-माहणअतिहि-किवण-वणीमए पगणिय-पगणिय समुद्दिस्स पाणाई भूयाई जीवाई सत्ताइं समारब्भ समुद्दिस्स कीयं पामिच्च अच्छेज्ज अणिसटुं अभिहडं आहटु चेएइ । तं तहप्पगारं वत्थं पुरिसंतरकड वा अपुरिसंतरकडं वा, बहिया णीहडं वा अणीहड वा अत्तट्ठियं वा अणत्तट्ठियं वा, परिभुत्तं वा अपरिभुत्तं वा, आसेवियं वा अणासेवियं वा-अफासुयं अणेसणिज्ज ति मण्णमाणे लाभे संते
णो पडिगाहेज्जा ॥ १० से भिक्खू वा भिक्खुणी वा सेज्जं पुण वत्थं जाणेज्जा-बहवे समण-माहण
१. सं० पा०–एवं बहवे साहम्मिया एगं साहम्मिणि बहवे साहम्मिणीओ बढे समणमाहणस्स
तहेव, पुरिसंतरं जहा पिंडेसणाए ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |