Page Text
________________
१४२
आयारचूला
वा, पंचाहेण वा पाउणेज्ज वा, नो पाउणेज्ज वा । तहप्पगारं विहं अणेगाहगमणिज्ज, सति लाढे 'विहाराए, संथरमाणेहिं जणवएहिं°, णो विहार-वत्ति
याए पवज्जेज्जा गमणाए ।। १३. केवली बूया आयाणमेयं----अंतरा से वासे सिया पाणेसु वा, पणएसु वा, बीएसु
वा, हरिएसु वा, उदएसु वा, मट्टियासु वा अविद्धत्थाए। अह भिक्खूणं पुत्रोवदिट्ठा 'एस पइण्णा, एस हेऊ, एस कारणं, एस उवएसो°, जं तहप्पगारं विहं अणेगाह-गमणिज्ज', 'सति लाढे विहाराए, संथरमाणेहिं जणवएहिं, णो विहार-वत्तियाए पवज्जेज्जा° गमणाए, तओ संजयामेव
गामाणुगामं दूइज्जेज्जा। नावा-विहार-पदं १४. से भिक्खू वा भिक्खुणी वा गामाणुगाम दूइज्जमाणे' अंतरा से णावासंतारिमे
उदए सिया। सेज्ज पुण णावं जाणेज्जा–अस्संजए भिक्खु-पडियाए किणेज्ज वा, पामिच्चेज्ज वा, णावाए वा णाव'-परिणामं कटु थलाओ वा णावं जलंसि ओगाहेज्जा, जलाओ वा णावं थलंसि उक्कसेज्जा, पुण्णं वा णावं उस्सिचेज्जा, सण्णं वा णावं उप्पीलावेज्जा। तहप्पगारं णावं उड्ढगामिणि वा, अहेगामिणि वा, तिरियगामिणि वा, परं जोयणमेराए अद्धजोयणमेराए वा अप्पतरो वा भुज्जतरो वा णो दुरुहेज्ज गमणाए । से भिक्खू वा भिक्खुणी वा पुव्वामेव तिरिच्छ-संपातिमं णावं जाणेज्जा, जाणेत्ता से तमायाए एगंतमवक्कमेज्जा, एगंतमवक्कमेत्ता भंडगं पडिलेहेज्जा, पडिलेहेत्ता एगाभोयं भंडगं करेज्जा, करेत्ता ससीसोवरियं कायं पाए य पमज्जेज्जा, पमज्जेत्ता सागारं भत्तं पच्चक्खाएज्जा, पच्चक्खाएत्ता एगं पायं जले किच्चा,
एगं पायं थले किच्चा, तओ संजयामेव णावं दुरुहेज्जा ॥ १६. से भिक्खू वा भिक्खुणी वा णावं दुरूहमाणे णो णावाए पुरओ दुरुहेज्जा, णो
णावाए मग्गओ दुरुहेज्जा, णो णावाए मज्झतो दुरुहेज्जा, णो बाहाओ पगिज्झिय-पगिज्झिय, अंगुलिए उवदंसिय-उवदंसिय, ओणमिय-ओणमिय, उण्णमिय-उण्ण मिय णिज्झाएज्जा ।।
१. सं० पा०-लाढे जाव णो।
१. णावं (क, घ, च, छ, ब)। २. मट्टिएसु (क, च); मट्टियाएसु (घ, छ)। ७. पडिगाहेज्जा (घ, छ, ब)। ३. सं० पा०-पुवोवदिट्ठा जाव जं। ८. भायं (अ); भोयण (छ)। ४. सं० पा०-अणेगाहगमणिज्ज जाव गमणाए। ६. अंगुलियाए (च, छ, ब) । ५. दूइज्जेज्जा (क, घ, च, छ, ब)।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |