________________
आयारचूला चिताए। सेवं णच्चा तहप्पगारं गामं वा णगरं वा जाव रायहाणि वा णो
वासावासं उवल्लिएज्जा। ३. से भिक्खू वा भिक्खुणी वा सेज्ज पुण जाणेज्जा-गामं वा जाव रायहाणि वा।
इमंसि खलु गामंसि वा जाव रायहाणिसि वा-महती विहारभूमी, महती वियारभूमा, सुलभे जत्थ पीढ-फलग-सेज्जा-संथारए, सुलभे फासुए उछे अहेसणिज्जे, णो जत्थ बहवे समण'-'माहण-अतिहि-किवण-वणीमगा° उवागया उवागमिस्संति य, अप्पाइण्णा वित्तो- पण्णस्स निक्खमण-पवेसाए, पण्णस्स वायण-पुच्छण-परियट्टणाणुपेह-धम्माणुओग-चिताए। सेवं णच्चा तहप्पगारं
गाम वा जाव° रायहाणि वा, तओ संजयामेव वासावासं उवल्लिएज्जा ।। गामाणुगाम-विहार-पदं ४. अह पुणेवं जाणेज्जा--चत्तारि मासा वासाणं वीइक्कता, हेमंताण य पंच-दस
रायकप्पे परिवुसिए, अंतरा से मग्गा बहुपाणा' 'बहुबीया बहुहरिया बहु-ओसा बहु-उदया बहु-उत्तिंग-पणग-दग-मट्टिय-मक्कडा संताणगा, णो जत्थ बहवे समण'-'माहण-अतिहि-किवण-वणीमगा° उवागया उवागमिस्संति य । सेवं
णच्चा णो गामाणुगामं दूइज्जेज्जा ॥ ५. अह पुणेवं जाणेज्जा-चत्तारि मासा वासाणं वोइक्कंता, हेमंताण य पंच-दस
रायकप्पे परिवसिए, अंतरा से मग्गा अप्पंडा' 'अप्पपाणा अप्पबोआ अप्पहरिया अप्पोसा अप्पदया अप्पत्तिग-पणग-दग-मद्रिय-मक्कडा संताणगा, बहवे जत्थ समण-माहण-अतिहि-किवण-वणीमगा उवागया उवागमिस्सति य । सेवं णच्चा तओ संजयामेव गामाणुगामं दूइज्जेज्जा ।। ६. से भिक्खू वा भिक्खुणी वा गामाणुगामं दूइज्जमाणे पुरओ जुगमायं पेहमाणे, दठ्ठण तसे पाणे उद्धटुं पायं रीएज्जा, साहटु पायं रीएज्जा, उक्खिप्प पायं रीएज्जा, तिरिच्छं वा कटु पायं रीएज्जा । सति परक्कमे संजतामेव परक्क
मेज्जा, णो उज्जुयं गच्छेज्जा, तओ संजयामेव गामाणुगामं दूइज्जेज्जा ॥ ७. से भिक्खू वा भिक्खुणी वा गामाणुगाम दूइज्जमाणे अंतरा से पाणाणि वा,
बीयाणि वा, हरियाणि वा, उदए वा, मट्टिया वा अविद्धत्था। सति परक्कमे' 'संजतामेव परक्कमेज्जा °, णो उज्जुयं गच्छेज्जा, तओ संजयामेव गामाणुगामं दूइज्जेज्जा ॥
१. सं० पा०-समण जाव उवागया। २. सं० पा०—वित्ती जाव रायहाणि । ३. सं पा०-बहुपाणा जाव संताणगा। ४. सं० पा०-समण जाव उवागया
५. सं० पा०--अप्पंडा जाव संताणगा। ६. वितिरिच्छं (अ, घ, च, ब)। ७. सं० पा०-परक्कमे जाव णो।
Jain Education International
For Private & Personal Use Only
www.jainelibrary.org