Page Text
________________
बीअं अज्झयणं (सेज्जा --- तइओ उद्देसो)
सेज्जायर - णाम- गोय - जायणा-पदं
४८. से भिक्खू वा भिक्खुणी वा जस्सुवस्सए संवसेज्जा, तस्स पुव्वामेव णाम - गोयं जाणेज्जा । तओ पच्छा तस्स गिहे णिमंतेमाणस्स अणिमंतेमाणस्स वा असणं वा पाणं वा खाइमं वा साइमं वा -- अफासुय' 'अणेसणिज्जं ति मण्णमाणे लाभे संते णो पडिगाहेज्जा ॥
उवस्य-विसुद्धि-पदं
४६. से भिक्खू वा भिक्खुणी वा सेज्जं पुण उवस्सयं जाणेज्जा – ससागारियं सागणियं सउदयं, णो पण्णस्स निक्खमण - पवेसाए, णो पण्णस्स वायण :- पुच्छणपरियट्टाणुपे धमाणुओग • चिताए, तहप्पगारे उवस्सए णो ठाणं वा, सेज्जं वा, निसीहियं वा चेतेज्जा ॥
o
५०. से भिक्खू वा भिक्खुणी वा सेज्जं पुण उवस्सयं जाणेज्जा - गाहावइ - कुलस्स मज्झमज्झेणं गंतुं पंथं पडिबद्धं वा', णो पण्णस्स' 'णिक्खमण-पवेसाए, णो वायण-पुच्छण-परियट्टणाणुपेह-धम्माणुओग - चिताए, तहप्पगारे
पण्णस्स
उस्सए णो ठाणं वा, सेज्जं वा, णिसीहियं वा चेतेज्जा ॥
१३३
५१. से भिक्खू वा भिक्खुणी वा सेज्जं पुण उवस्सयं जाणेज्जा - इह खलु गाहावई वा', "गाहावइणीओ वा, गाहावइ- पुत्ता वा, गाहावइ-धूयाओ वा, गाहावइसुहाओवा, धाईओवा, दासा वा, दासीओ वा, कम्मकरा वा०, कम्मकरीओ वा अण्णमण्णमक्कोसंति वा', 'बंधंति वा, रुभंति वा, उद्दवेंति वा, णो पण्णस्स" •णिक्खमण-पवेसाए, णो पण्णस्स वायण - पुच्छण - परियट्टणाणुपेहधमाणुओ - चिताए । सेवं णच्चा तहप्पगारे उवस्सए णो ठाणं वा', "सेज्जं वा, णिसीहियं वा ° चेतेज्जा ॥
o
५२. से भिक्खू वा भिक्खुणी वा सेज्जं पुण उवस्सयं जाणेज्जा - इह खलु गाहावई वा जाव कम्मकरीओ वा अण्णमण्णस्स गायं तेल्लेण वा, घएण वा णवणीएण वा, वसाए वा अब्भंगे [गें ? ] ति वा, मक्खे [खें ? ] ति वा, णो पण्णस्स' 'णिक्खमणपवेसाए, णो पण्णस्स वायण- पुच्छण - परियट्टणाणुपेह - धम्माणुओग चिंताए । तहप्पगारे उवस्सए णो ठाणं वा", "सेज्जं वा, णिसीहियं वा चेतेज्जा ।। ५३. से भिक्खू वा भिक्खुणी वा सेज्जं पुण उवस्सयं जाणेज्जा - इह खलु गाहावई वा जाव कम्मकरीओ वा, अण्णमण्णस्स गायं सिणाणेण वा, कक्केण वा, लोद्वेण
१. सं० पा० - अफासुयं जाव णो ।
२. सं० पा० - वायण जाव चिताए । ३. X ( अ ) ।
४. स० पा० - पण्णस्स जाव चिंताए ।
५. सं० पा० - गाहावई वा जाव कम्मकरीओ ।
Jain Education International
६. सं० पा०-- अण्णमण्ण मक्कोसंति वा जाव उद्दवेंति ।
७, ६. सं० पा० - पण्णस्स जाव चिंताए ।
८, १०. सं० पा० - ठाणं वा जाव चेतेज्जा ।
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |