Page Text
________________
१२४
आयारचूला जं तहप्पगारे उवस्सए अंतलिक्खजाए णो ठाणं वा, सेज्जं वा, णिसीहियं वा
चेतेज्जा ।। सागारिय-उवस्सय-पदं २०. से भिक्खू वा भिक्खुणो वा सेज्जं पुण उवस्सयं जाणेज्जा-सइत्थियं, सखुटुं,
सपसुभत्तपाणं। तहप्पगारे सागारिए उवस्सए णो ठाणं वा, सेज्ज वा,
णिसीहियं वा चेतेज्जा ॥ २१. आयाणमेयं भिक्खुस्स गाहावइ-कुलेण सद्धि संवसमाणस्स-अलसगे वा,
विसूइया वा, छड्डी वा उव्वाहेज्जा'। अण्णतरे वा से दुक्खे रोगातंके' समुप्पज्जेज्जा । अस्संजए कलुण-पडियाए तं भिक्खुस्स गातं तेल्लेण वा, घएण वा, णवणोएण वा, वसाए वा, अब्भंगेज्ज वा, मक्खेज्ज वा। सिणाणेण वा, कक्केण वा, लोद्धेण वा, वण्णेण वा, चुण्णेण वा, पउमेण वा, आघंसेज्ज वा, पघंसेज्ज वा, उव्वलेज्ज वा, उव्वट्टेज्ज वा । सीओदग-वियडेण वा, उसिणोदगवियडेण वा, 'उच्छोलेज्ज वा', पहोएज्ज वा, सिणावेज्ज वा, सिंचेज्ज वा। दारुणा वा दारुपरिणामं कटु अगणिकायं उज्जालेज्ज वा, पज्जालेज्ज वा, उज्जालेत्ता पज्जालत्ता कायं आयावेज्ज वा, पयावेज्ज वा। अह भिक्खूणं पुत्वोवदिट्ठा एस पइण्णा, एस हेऊ, एस कारणं, एस उवएसो, जं तहप्पगारे सागारिए उवस्सए णो ठाणं वा, सेज्जं वा, णिसीहियं वा चेतेज्जा ।। आयाणमेयं भिक्खुस्स सागारिए उवस्सए संवसमाणस्स --इह खलु गाहावई वा', 'गाहावइणीओ वा, गाहावइ-पुत्ता वा, गाहावइ-धूयाओ वा, गाहावइसण्हाओवा, धाईओ वा, दासा वा, दासोओ वा, कम्मकरा वा०, कम्मकरोओ वा अण्णमण्णं अक्कोसंति वा, बंधंति वा, रुभंति वा, उद्दति वा। अह भिक्खू णं उच्चावयं मणं णियच्छेज्जा-एते खलु अण्णमण्णं अक्कोसंतु वा मा वा अक्कोसंतु, बंधंतु वा मा वा बंधंतु, रु भंतु वा मा वा रुभंतु, उद्दवेंतु वा मा वा उद्दवतु। अह भिक्खूणं पुवोवदिट्ठा एस पइण्णा", 'एस हेऊ, एस कारणं, एस उवएसो.
१. साकारिए (छ, ब)। २. उप्पा ° (क, च, ब)। ३. रोगे आयंके (घ)। ४. लोद्देण (अ, ब)। ५. उच्छोलेज्ज पच्छोलेज्ज वा (ब)। ६. दारुणं परि० (अ, च); दारुण ° (क)।
७. वसमाणस्स (ब)। ८. सं० पा०-गाहावई वा जाव कम्मकरीओ। ६. पहति (क); X (च, ब); वहंति (अ)। १०. उद्दति वा उद्दति (घ); उदवंति वा ___ उद्दवेंति (छ)। ११. सं० पा०—पइण्णा जाव जं।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |