Page Text
________________
११८
आयारचूला
संसट्टेण वा हत्थेण असंसट्टण मत्तेण, अस्सि पडिग्गहगंसि वा पाणिसि वा णिहट्ट उवित्तु दलयाहि । तहप्पगारं भोयण-जायं सयं वा णं जाएज्जा, परो वा से देज्जा–फासुयं एसणिज्ज' 'ति मण्णमाणे • लाभे संते पडिगाहेज्जातच्चा पिंडेसणा॥ अहावरा चउत्था पिंडेसणा-से भिक्खू वा', 'भिक्खुणी वा, गाहावइ-कुलं पिंडवाय-पडियाए अणुपविढे समाणे ° सेज्ज पुण जाणेज्जा-पिहुयं वा' 'बहुरज वा, भुज्जियं वा, मथु वा, चाउलं वा°, चाउल-पलंबं वा । अस्सि खलु पडिग्गहियंसि अप्पे पच्छाकम्मे अप्पे पज्जवजाए, तहप्पगारं पिहुयं वा जाव चाउल-पलंबं वा सयं वा णं जाएज्जा, परो वा से देज्जा-'फासुयं एसणिज्ज
ति मण्णमाणे लाभे संते° पडिगाहेज्जा-चउत्था पिंडेसणा ॥ १४५.
अहावरा पंचमा पिंडेसणा-से भिक्खू वा भिक्खुणी वा गाहावइ-कुलं पिंडवायपडियाए अणुपविढे ° समाणे उवहितमेव भोयण-जायं जाणेज्जा, तं जहासरावंसि वा, डिडिमंसि वा, कोसगंसि वा। अह पुण एवं जाणेज्जा-बहुपरियावन्ने पाणीसु दगलेवे। तहप्पगारं असणं वा पाण वा खाइम वा साइम वा सय वा ण जाएज्जा 'परो वा से देज्जा-फासूयं
एसणिज्जं ति मण्णमाणे लाभे संते ० पडिगाहेज्जा-पंचमा पिंडेसणा।। १४६. अहावरा छट्ठा पिंडेसणा-से भिक्खू वा 'भिक्खुणी वा गाहावइ-कुलं
पिंडवाय-पडियाए अणुपविढे समाणे° पग्गहियमेव भोयण-जायं जाणेज्जा-जं च सयट्ठाए पग्गहियं, जं च परट्ठाए पग्गहियं, तं पाय-परियावन्न, तं पाणिपरियावण्णं-फासुयं 'एसणिज्जं ति मण्णमाणे लाभे संते° पडिगाहेज्जा
छट्ठा पिडेसणा॥ १४७. अहावरा सत्तमा पिडेसणा-से भिक्खू वा 'भिक्खुणी वा गाहावइ-कुलं
पिंडवाय-पडियाए अणुपविढे समाणे बहुउज्झिय-धम्मियं भोयण-जायं जाणेज्जा-जं चण्णे बहवे दुपय-चउप्पय-समण-माहण-अतिहि-किवण-वणीमगा णावकखंति, तहप्पगारं उज्झिय-धम्मियं भोयण-जायं सयं वा ण जाएज्जा परो वा से देज्जा--'फासुयं एसणिज्जं ति मण्णमाणे लाभे संते. पडिगाहेज्जासत्तमा पिडेसणा। इच्चेयाओ सत्त पिडेसणाओ।।
१. सं० पा०-एसणिज्जं जाव लाभे। २. सं० पा० - भिक्खू वा सेज्जं । ३. स० पा०-पिहुय वा जाव चाउलपलंबं । ४. सं० पा०-देज्जा जाव पडिगाहेज्जा। ५. सं० पा०—भिक्खू वा जाव समाणे । ६. उग्गहिय° (घ)।
७. सं० पा० --जाएज्जा जाव पडिगाहेज्जा। ८. सं० पा०-भिक्खू वा जाव पग्गहिय । ६. उग्गहिय अ,क,च); उग्गहितं पग्गहित(चू)। १०. सं० पा०-- -फासुयं जाव पडिगाहेज्जा। ११. सं० पा०-भिक्खू वा जाव समाणे। १२. सं० पा०-देज्जा जाव फासुयं पडिगाहेज्जा।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |