________________
चउत्थं अज्झयणं (सम्मत्तं-चउत्थो उद्देसो) २६. आरंभजं दुक्खमिणंति णच्चा, एवमाहु समत्तदंसिणो ॥ ३०. ते सव्वे पावाइया दुक्खस्स कुसला परिण्णमुदाहरंति ॥ ३१. इति कम्म परिणाय सव्वसो।। ३२. इह आणाकंखी पंडिए अणिहे एगमप्पाणं संपेहाए धुणे सरीरं,' कसेहि' अप्पाणं,
जरेहि अप्पाणं ॥ ३३. जहा जुण्णाई कट्ठाई, हव्ववाहो पमत्थति, एवं अत्तसमाहिए अणिहे ॥ कसाय-विवेग-पदं ३४. विगिच कोहं अविकंपमाणे, इमं णिरुद्धाउयं संपेहाए । ३५. दुक्खं च जाण' अदुवागमेस्सं ॥ ३६. पुढो फासाइं च फासे ॥ ३७. लोयं च पास विष्फंदमाणं ॥ ३८. जे णिव्वुडा पावेहि कम्मेहि, अणिदाणा ते वियाहिया ॥ ३६. तम्हा तिविज्जो' णो पडिसंजलिज्जासि।
-त्ति बेमि ॥ चउत्थो उद्देसो सम्माचरित्त-पदं ४०. आवीलए पवीलए निप्पीलए जहित्ता पुव्वसंजोगं, हिच्चा उवसमं ॥ ४१. तम्हा अविमणे वीरे सारए समिए सहिते सया जए॥ ४२. दुरणुचरो मग्गो वीराणं अणियट्टगामीणं ॥ ४३. विगिच मंस-सोणियं ॥ ४४. एस पुरिसे दविए वीरे, आयाणिज्जे वियाहिए।
जे धुणाइ समुस्सयं, वसित्ता बंभचेरंसि ॥ ४५. णेत्तहि पलिछिन्नेहि, आयाणसोय-गढिए बाले।
अव्वोच्छिन्नबंधणे, अणभिक्कंतसंजोए।
तमंसि अविजाणओ आणाए लंभो णत्थि त्ति बेमि ।। ४६. जस्स नत्थि पुरा पच्छा, मज्झे तस्स कओ सिया ? ४७. से हु पण्णाणमंते बुद्धे आरंभोवरए ।
१. सम्मत्त° (क, वृपा)। २. सरीरगं (वृ)। ३. किसेहि (चू); कम्मेहिं जरेहिं (ख)। ४. हव्ववाहू (घ, च, छ)। ५. बहु (क)।
६. फासए (क, छ)।। ७. द्रष्टव्यम्-३।२८ सूत्रस्य पादटिप्पणम् । ८. निप्फीलए (क, घ)। ६. अंधस्स तमस्स (चू); तमंसि (चूपा)। १०. कुओ (क, च, छ)।
Jain Education International
For Private & Personal Use Only
www.jainelibrary.org
