________________
चउत्थं अज्झयणं
सम्मत्त
पढमो उद्देसो सम्मावाए अहिंसा-पदं १. से बेमि-जे' अईया, जे य पडुप्पन्ना, जे य आगमेस्सा अरहंता' भगवंतो ते
सव्वे एवमाइक्खंति, एवं भासंति, एवं पण्णवेति, एवं परूवेंति-सव्वे पाणा सव्वे भूता सव्वे जीवा सव्वे सत्ता ण हंतव्वा, ण अज्जावेयव्वा, ण परिघेतव्वा,
ण परितावेयव्वा, ण उद्दवेयव्वा ॥ २. एस धम्मे सुद्धे णिइए सासए समिच्च लोयं खयणेहि पवेइए॥ ३. तं जहा-उट्ठिएसु वा, अणुट्ठिएसु वा । उवट्ठिएसु वा, अणुवट्ठिएसु वा । उवरय
दंडेसु वा, अणुवरयदंडेसु वा। सोवहिएसु वा, अणोवहिएसु वा। संजोगरएसु
वा, असंजोगरएसु वा ॥ ४. तच्चं चेयं तहा चेयं, अस्सि चेयं पवुच्चइ ।। ५. तं आइइत्तु'ण णिहे ण णिक्खिवे, जाणित्तु धम्म जहा तहा ॥ ६. दिडेहिं णिव्वेयं गच्छेज्जा ॥ ७. णो लोगस्सेसणं चरे॥ ८. जस्स णस्थि इमा णाई, अण्णा तस्स कओ सिया ? ६. दिटुं सुयं मयं विण्णायं, जमेयं परिकहिज्जइ ।।
१. जे य (ख, ग, घ, छ)। २. अरिहंता (ख, घ)। ३. भगवंता (घ, च)। ४. सुद्धे धुवे (घ)। ५. खेत्तन्नेहिं (च)।
६. आइत्तु (ख, ग, च, छ, वृ)। ७. अहा (घ)। ८. कुतो (च)। ६. जं लोए (चू)।
३४
Jain Education International
For Private & Personal Use Only
www.jainelibrary.org
