________________
२२
आयारो
६८. तंपि से एगया दायाया विभयंति, प्रदत्तहारो' वा से अवहरति, रायाणो वा से विलुपति, सतिवा से, विणस्सति वा से, अगारदाहेण वा से उज्झइ || ६९. इति से परस्स अट्ठाए कूराई कम्माई बाले पकुव्वमाणे तेण दुक्खेण मूढे विप्रावे ॥
७०. मुणिणा हु एयं पवेइयं ॥
७१. अणोहंतरा एते, नो य ओहं तरित्तए । अतीरंगमा एते, नो य तीरं गमित्तए । अपारंगमा एते, नो य पारं गमित्तए ।
७२. आयाणिज्जं च आयाय, तम्मि ठाणे ण चिट्ठइ ।
वितहं पप्पखेयण्णे', तम्मि ठाणम्मि चिट्ठइ ॥
७३. उद्देसो पासगस्स णत्थि ॥
७४. बाले पुण णिहे कामसमणुण्णे असमियदुक्खे दुक्खी दुक्खाणमेव आवट्टं अणुपरिट्ट |
- त्ति बेमि ॥
भोग- भोगि-दोस-पदं
७५. तओ से एगया रोग समुप्पाया समुप्पज्जंति ॥
७६. जेहिं वा सद्धि संवसति ते वा णं एगया णियया पुव्वि परिवयंति, सोवा ते
णियगे पच्छा परिवएज्जा ।।
७७. नालं ते तव ताणाए वा, सरणाए वा ।
तुमपि तेसि नालं ताणाए वा, सरणाए वा ॥
७८. जाणित्तु दुक्खं पत्तेयं सायं ॥
७६. भोगामेव प्रणुसोयंति ॥
८०. इहमेगेसिं माणवाणं ॥
उद्देस
८१. तिविहेण जावि से तत्थ मत्ता भवइ - अप्पा वा बहुगा वा ॥
८२. से तत्थ गढिए चिट्ठति, भोयणाए ।
८३. ततो से एगया विपरिसि संभूयं महोवगरणं भवति ॥
१. अदताहारा ( ख, ग ) ।
२. अवहरति ( ख, ग ) ।
३. संमूढे (क, घ) ।
Jain Education International
४. विप्परियासमुवेति ( ख, ग, घ, च, छ) । ५. अखेतण्णो (चू) ।
For Private & Personal Use Only
www.jainelibrary.org
