________________
बीअं अज्झयणं (लोगविजओ-तइओ उद्देसो)
५०. इति' संखाय के गोयावादी ? के माणावादी ? कंसि वा एगे गिज्झे ? ५१. तम्हा पंडिए णो हरिसे, णो कुज्झे ।। ५२. भूएहिं जाण पडिलेह सातं ॥ ५३. समिते एयाणुपस्सी॥ ५४. तं जहा- अंधत्तं बहिरत्तं मूयत्तं काणत्तं कुंटत्तं खुज्जत्तं वडभत्तं सामत्तं
सबलत्तं ॥ ५५. सहपमाएणं अणेगरूवाओ जोणीओ संधाति', विरूवरूवे फासे पडिसंवेदेइ । ५६. से अबुज्झमाणे 'हतोवहते जाइ-मरणं अणुपरियट्टमाणे ।। परिग्गह-तद्दोस-पदं ५७. जीवियं पुढो पियं इहमेगेसि माणवाणं, खेत्त-वत्थु ममायमाणाणं । ५८. आरत्तं विरत्तं मणिकुंडलं सह हिरण्णेण, इत्थियाओ परिगिज्झ तत्थेव रत्ता ।। ५६. ण एत्थ तवो वा, दमो वा, णियमो वा दिस्सति ॥ ६०. संपुण्णं बाले जीविउकामे लालप्पमाणे मूढे विप्परियासुवेइ॥ ६१. इणमेव णावकंखंति, जे जणा धुवचारिणो।
जाती-मरणं परिण्णाय, चरे संकमणे दढे ।। ६२. णत्थि कालस्स णागमो।। ६३. सव्वे पाणा पियाउया सुहसाया दुक्खपडिकूला अप्पियवहा पियजीविणो
जीविउकामा । ६४. सवेसि जीवियं पियं ।। ६५. तं परिगिज्झ दुपयं चउप्पयं अभिजुजियाणं संसिंचियाणं तिविहेणं जा वि से
तत्थ मत्ता भवइ-अप्पा वा बहुगा वा ॥ ६६. से तत्थ गढिए चिट्ठइ, भोयणाए । ६७. तओ से एगया विपरिसिटुं संभूयं महोवगरणं भवइ ।
१. एवं (चू)।
३. संधाएति (ख, ग, च)। २. नागार्जुनीया :-पुरिसेणं खलु दुक्खविवाग- ४. परि° (घ, ७)।
गवेसएणं पुटिव ताव जीवाभिगमे कायव्वे, ५. हतोवहते विणिविट्ठचित्ते एत्थ सत्ते पुणो पुणो जाइं च इच्छिताणिच्छे, तं सातासातं विया- (च)। णिया हिंसोवरती कायव्वा (चू)।
६. विप्परियासमुवेइ (ख, ग, घ, छ)। नागार्जुनीया :-पुरिसे णं खलु दुक्खुव्वय- ७. पियायया (वृपा)। सुहेसए (वृ)।
८. विविहं परिसिटुं (क, ख, ग, घ, च)।
Jain Education International
For Private & Personal Use Only
www.jainelibrary.org
