________________
पढमं अज्झयणं (सत्थपरिणा-चउत्थो उद्देसो) ६०. पुढो सत्थेहिं विउद॒ति ।। ६१. एत्थवि तेसिं णो णिकरणाए। ६२. एत्थ सत्थं समारंभमाणस्स इच्चेते आरंभा अपरिण्णाया भवंति ॥ ६३. एत्थ सत्थं असमारंभमाणस्स इच्चेते आरंभा परिण्णाया भवंति ।। ६४. तं परिणाय मेहावी णेव सयं उदय-सत्थं समारंभेज्जा, वन्नेहिं उदय-सत्थं
समारंभावेज्जा, उदय-सत्थं समारंभंतेवि अण्णे ण समणुजाणेज्जा। ६५. जस्सेते उदय-सत्थ-समारंभा परिण्णाया भवंति, से हु मुणी परिण्णात-कम्मे ।
-त्ति बेमि ।।
चउत्थो उद्देसो तेउकाइयाणं अत्थित्त-पदं ६६. 'से बेमि''—णेव सयं लोगं अब्भाइक्खेज्जा, णेव अत्ताणं अब्भाइक्खेज्जा॥
जे लोगं अब्भाइक्खइ. से अत्ताणं अब्भाइक्खड।
जे अत्ताणं अब्भाइक्खइ, से लोगं अब्भाइक्खइ ।। ६७. जे दी हलोग-सत्थस्स खेयण्णे, से असत्थस्स खेयण्णे ।
जे असत्थस्स खेयण्णे, से दीहलोग-सत्थस्स खेयण्णे ॥ ६८. वीरेहिं एवं अभिभूय दिळं, संजतेहिं सया जतेहिं सया अप्पमत्तेहि ॥ तेउकाइयहिंसा-पदं ६९. जे पमत्ते गुणट्ठिए, से हु दंडे पवुच्चति ॥ ७०. तं परिण्णाय मेहावी इयाणि णो जमहं पुव्वमकासी पमाएणं ॥ ७१. लज्जमाणा पुढो पास ॥ ७२. अणगारा मोत्ति एगे पवयमाणा॥ ७३. जमिणं विरूवरूवेहिं सत्थेहिं अगणि-कम्म-समारंभेणं अगणि-सत्थं समारंभमाणे,
अण्णे वणेगरूवे पाणे विहिंसति ।। ७४. तत्थ खलु भगवया परिण्णा पवेइया । ७५. इमस्स चेव जीवियस्स, परिवंदण-माणण-पूयणाए, जाई-मरण-मोयणाए,
दुक्खपडिघायहेउं । ७६. से सयमेव अगणि-सत्थं समारंभइ, अण्णेहिं वा अगणि-सत्थं समारंभावेइ, अण्णे
वा अगणि-सत्थं समारंभमाणे समणुजाणइ ॥
१. सेयं मिणं (च)। २. गुणट्ठी (क, वृ); गुणट्ठीए (ख, ग)।
३. धुवगंडियं भणिऊणं जाव से बेमि (च)। ४. x (च)।
Jain Education International
For Private & Personal Use Only
www.jainelibrary.org
