________________
पइण्णगसमवाओ
१६४. आहारयसरीरे णं भंते ! कइविहे पणते ?
गोयमा ! एगाकारे पण्णत्ते । जइ एगाकारे पण्णत्ते, कि मणुस्सआहारयसरीरे ? अमणुस्सआहार यसरीरे ? गोयमा ! मणुस्सआहारगसरीरे, णो अमणुस्सआहारगसरीरे। "जइ मणुस्स आहारगसरीरे, किं गब्भवक्कंतियमणुस्सआहारगसरीरे ? संमुच्छिममणुस्सआहारगसरीरे ? गोयमा! गब्भवक्कंतियमणुस्सआहारयसरीरे नो समुच्छिममणुस्सआहारयसरीरे । जइ गब्भवक्कंतियमणुस्सआहारयसरीरे, किं कम्मभूमग-गब्भवक्कं तियमणुस्सआहारयसरीरे? अकम्मभूमग-गब्भवक्कंतियमणुस्सआहारयसरीरे ? गोयमा ! कम्मभूमग-गब्भवक्कंतियमणुस्सआहारयसरीरे, नो अकम्मभूमगगब्भवक्कंतियमणुस्सआहारयसरीरे। जइ कम्मभूमग-गब्भवक्कंतियमणुस्सआहारयसरीरे, कि संखेज्जवासाउयकम्मभूमग-गब्भवक्कंतियमणुस्सआहारयसरीरे ? असंखेज्जवासाउय-कम्मभूमगगब्भवक्कंतियमणुस्सआहारयसरीरे ? गोयमा! संखेज्जवासाउय-कम्मभूमग-गब्भवक्कंतियमणुस्सआहारयसरीरे, नो असंखेज्जवासाउय-कम्मभूमग-गब्भवक्कंतियमणुस्सआहारयसरीरे। जइ संखेज्जवासाउय-कम्मभूमग-गब्भवक्कंतियमणुस्सआहारयसरीरे, कि पज्जत्तय-संखेज्जवासाउय-कम्मभूमग-गब्भवक्कंतियमणुस्सआहारयसरीरे ? अपज्जत्तय-संखेज्जवासाउय-कम्मभूमग-गब्भवक्कंतियमणुस्सआहारयसरीरे ? गोयमा ! पज्जत्तय-संखेज्जवासाउय-कम्मभूमग-गब्भवक्कंतिमणुस्सआहारयसरीरे, नो अपज्जत्तय-संखेज्जवासाउय-कम्मभूमग-गब्भवक्कंतियमणुस्सआहारयसरीरे। जइ पज्जत्तय-संखेज्जवासाउय-कम्मभूमग-गब्भवक्कंतियमणुस्सआहारयसरीरे, किं सम्मद्दिट्ठि-पज्जत्तय-संखेज्जवासाउय-कम्मभूमग-गब्भवक्कंतियमणस्सआहारयसरीरे ? मिच्छदिट्ठि-पज्जत्तय-संखेज्जवासाउय-कम्मभूमग-गब्भवक्कंतियमणुस्सआहारयसरीरे ? सम्मामिच्छदिट्ठि-पज्जत्तय-संखेज्जवासाउयकम्मभूमग-गब्भवक्कंतियमणुस्सआहारयसरीरे ? गोयमा ! सम्मद्दिट्ठि - पज्जत्तय - संखेज्जवासाउय-कम्मभूमग-गब्भवक्कंतियमणस्सआहारयसरीरे, नो मिच्छदिद्वि-पज्जत्तय-संखेज्जवासाउय-कम्मभमगगब्भवक्कंतियमणुस्सआहारयसरीरे, नो सम्मामिच्छदिट्ठि-पज्जत्तय-संखेज्जवासाउय-कम्मभूमग-गब्भवक्कंतियमणुस्सआहारयसरीरे।
१. सं० पा०-एवं जइ मणुस्स किं..."वयणावि भतियव्वा ।
Jain Education International
For Private & Personal Use Only
www.jainelibrary.org
