Page Text
________________ दसवी दशा [5 पच्चुवेक्खइ, पच्चुवेक्खिता जाणं पच्चोरुभति, पच्चोरुभित्ता जाणगं संपमज्जति, संपमज्जित्ता जाणगं णोणेइ, णीणेत्ता जाणगं संव?ति, संवत्ता दूसं पवीणेति, पवीणेत्ता जाणगं समलंकरेइ, जाणगं समलंकरिता जाणगं वरमंडियं करेइ, करित्ता जेणेव वाहणसाला तेणेव उवागच्छइ, उवागच्छित्ता वाहणसालं अणुप्पविसित्ता वाहणाई पच्चुवेक्खइ, पच्चुवेविखत्ता वाहणाई संपमज्जइ, संपमज्जित्ता वाहणाई अप्फालेइ, अप्फालेत्ता वाहणाई णोणेइ, णोणेत्ता दूसे पवीणेइ, पवीणेत्ता वाहणाई समलंकरेइ, समलंकरित्ता वराभरणमंडियाई करेइ, करेत्ता वाहणाई जाणगं जोएइ, जोएत्ता वट्टमग्ग गाहेइ, गाहित्ता पओद-लट्ठि पओद-धरे य सम्म आरोहइ, आरोहइत्ता जेणेव सेणिए राया तेणेव उवागच्छइ, उवागच्छित्ता जाव एवं क्यासी "जुत्ते ते सामी ! धम्मिए जाण-पवरे आदिट्ठ, भदंतव, पारुहाहि / " तए णं सेणिए राया भंभसारे जाणसालियस्स अंतिए एयमढे सोच्चा निसम्म हट्ठतु? जाव मज्जणघरं अणुपविसइ, अणुपविसित्ता जाव कप्परुक्खे चेव अलंकिए विभूसिए परिदे जाव मज्जणघराओ पडिनिक्खमइ, पडिनिक्खमित्ता जेणेव चेल्लणादेवी तेणेव उवागच्छइ, उवागच्छित्ता चेल्लणादेवि एवं वयासी एवं खलु देवाणुप्पिए ! समणे भगवं महावीरे आइगरे तित्थयरे जाव पुन्वाणुटिव चरमाणे जाव संजमेणं तवसा अप्पाणं भावेमाणे विहरइ। तं महप्फलं देवाणुप्पिए ! तहारूवाणं अरहंताणं भगवंताणं णामगोयस्स वि सवणयाए, किमंग पुण अभिगमण वंदण णमंसण पडिपुच्छण पज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए / तं गच्छामो देवाणुप्पिए ! समणं भगवं महावीरं वंदामो, नमसामो, सक्कारेमो, सम्माणेमो, कल्लाणं, मंगलं, देवयं, चेइयं पज्जुवासामो। एतं णं इहभवे य परभवे य हियाए, सुहाए, खमाए, निस्सेयसाए, अणुगामियत्ताए भविस्सति / तए णं सा चेल्लणादेवी सेणियस्स रन्नो अंतिए एयमढे सोच्चा निसम्म हद्वतुट्ठा जाव सेणियस्स रनो एयमट्ठविणएणं पडिसुणेइ, पडिसुणित्ता जेणेव मज्जणधरे तेणेव उवागच्छइ, उवागच्छित्ता मज्जणघरं अणुपविसइ जाव' महत्तरगविंद-परिक्खित्ता जेणेव बाहिरिया उवट्ठाण-साला, जेणेव सेणियराया, तेणेव उवागच्छइ / तए णं से सेणियराया चेल्लणादेवीए सद्धि धम्मियं जाणपवरं दुरूढे जाव' जेणेव गुणसीलए चेइए तेणेव उवागच्छइ जाव पज्जुवासइ। - एवं चेल्लणा वि जाव' पज्जुवासइ / 1. उववाईसूत्र सु. 48 2-4. उववाईसूत्र सु. 48-54 Jain Education International For Private & Personal Use Only www.jainelibrary.org
| SR No. | 003495 |
| Book Title | Agam 27 Chhed 04 Dashashrutskandh Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Trilokmuni, Devendramuni, Ratanmuni |
| Publisher | Agam Prakashan Samiti |
| Publication Year | 1982 |
| Total Pages | 206 |
| Language | Hindi |
| Classification | Book_Devnagari |
| File Size | 5 MB |