________________ पांची दशा चित्तसमाधि के दस स्थान सुयं मे आउसं ! तेणं भगवया एवमक्खायंइह खलु थेरेहि भगवंतेहिं दस चित्तसमाहिठाणा पण्णत्ता। ५०–कयरा खलु ताई थेरेहि भगवंतेहिं दस चित्तसमाहिठाणा पण्णता ? उ०-इमाइं खलु ताई थेरेहि भगवंतेहिं दस चित्तसमाहिठाणा पण्णता, तं जहातेणं कालेणं तेणं समएणं वाणियग्गामे नगरे होत्था / एत्थ नगरवण्णओ भाणियव्यो। तस्स जं वाणियग्गामस्स नगरस्स बहिया उत्तर-पुरच्छिमे दिसीभाए दूतिपलासए णामं चेइए होत्था / चेइयवण्णओ भाणियव्यो। ___ जियसत्तू राया। तस्स धारणी नामं देवी। एवं समोसरणं भाणियव्वं जावपुढविसिलापट्टए / सामी समोसढे / परिसा निग्गया। धम्मो कहिओ। परिसा पडिगया। अज्जो! इति समणे भगवं महावीरे समणा निग्गंथा य निग्गंथीओ य आमंतित्ता एवं वयासी-- ___ इह खलु अज्जो! निग्गंथाणं वा निग्गंथोणं वा इरियासमियाणं, भासासमियाणं, एसणासमियाणं, आयाण-भंड-मत्त-निक्खेवणा-समियाणं, उच्चार-पासवण-खेल-सिंघाण-जल्लपारिद्ववणियासमियाणं, मणसमियाणं, वयसमियाणं, कायसमियाणं, मणगुत्तीणं, वयगुत्तीणं, कायगुत्तीणं मुत्तिवियाणं, गुत्तबंभयारीणं, प्रायट्ठीणं, आयहियाणं, प्रायजोईणं, आयपरक्कमाणं, पक्खियपोसहिएसु समाहिपत्ताणं झियायमाणाणं इमाइं दस चित्तसमाहिठाणाई असमुप्पण्णपुव्वाइं समुप्पज्जेज्जा, तं जहा 1. धम्मचिता वा से असमुप्पण्णपुन्या समुप्पज्जेज्जा, सव्वं धम्म जाणित्तए। 2. सण्णिजाइसरणणं सणिणाणं वा से असमुप्पण्णपुग्वे समुप्पज्जेज्जा, अप्पणो पोराणियं जाई सुमरित्तए। 3. सुमिणसणे वा से असमुप्पण्णपुटवे समुप्पज्जेज्जा अहातच्चं सुमिणं पासित्तए। 4. देवदंसणे वा से असमुप्पण्णपुव्वे समुप्पज्जेज्जा, दिव्वं देवट्टि दिव्वं देवजुइं विष्वं देवाणुभावं पासित्तए। 5. ओहिणाणे वा से असमुप्पण्णपुग्वे समुप्पज्जेज्जा, प्रोहिणा लोगं जाणित्तए। 6. ओहिदसणे वा से असमुप्पण्णपुग्वे समुप्पज्जेज्जा, ओहिणा लोयं पासित्तए। 7. मणपज्जवनाणे वा असमुप्पण्णपुब्बे समुप्पज्जेज्जा अंतो मणुस्सखित्तेसु अड्डाइज्जेसु दीव समुद्देसु सण्णीणं पंचिदियाणं पज्जत्तगाणं मणोगए भावे जाणित्तए / Jain Education International For Private & Personal Use Only www.jainelibrary.org
