Agam 18 Upang 07 Jambudveep Pragnapti Sutra Stahanakvasi

SR No.: 003486
Original Sutra Author: N/A
Author: Madhukarmuni, Chhaganlal Shastri, Shobhachad Bharilla
Publisher: Agam Prakashan Samiti
Publication Year: 1986
Total Pages: 480
Language: Prakrit, Hindi
Classification: Book_Devnagari
File Size: 13 MB

Page 164

तृतीय वक्षस्कार [103 तं जीअमेअं तोअपच्चुप्पण्णमणागयाणं मागहतित्थकुमाराणं देवाणं राईणमुवत्थाणीअं करेत्तए, तं गच्छामि गं अहंपि भरहस्स रगणो उत्थाणीअं करेमित्ति कटु एवं संपेहेइ, संपेहेत्ता हारं मउडं कुंडलाणि अकडगाणि अतुडिआणि अवत्थाणि अ आभरणाणि असरं च णामाहयंकं मागहतित्थोदगं च गेण्हइ, गिण्हिता ताए उक्किट्ठाए तुरिआए चवलाए जयणाए सीहाए सिग्घाए उधुपाए दिव्वाए देवगईए वोईवयमाणे 2 जेणेव भरहे राया तेणेव उवागच्छइ 2 ता अंतलिक्खपडिवण्णे सखिखिणीआई पंचवण्णाई वत्थाई पवर-परिहिए करयलपरिग्गहिअं दसणहं सिर जाव' अंजलि कटु भरहं रायं जएणं विजएणं वद्धावेइ 2 त्ता एवं वयासी--'अभिजिए णं देवाणुप्पिएहि केवलकप्पे भरहे वासे पुरस्थिमेणं मागहतित्थमेराए तं अहण्णं देवाणुप्पिआणं विसयवासी, अहण्णं देवाणुप्पिआणं आणत्तीकिंकरे, अहणं देवाणुपिआणं पुरथिमिल्ले अंतवाले, तं पडिच्छंतु णं देवाणुप्पिआ! ममं इमेग्रारूवं पोइदाणं तिकटु हारं मउद्धं कुडणाणि अकडगाणि अ (तुडिआणि अ बत्थाणि अाभरणाणि अ सरं च णामायंक) मागहतित्थोदगं च उवणेइ। तए णं से भरहे राया मागहतित्थकुमारस्स देवस्स इमेयारूवं पोइदाणं पडिच्छइ 2 ता मागहतित्थकुमारं देवं सक्कारेइ सम्माणेइ 2 ता पडिविसज्जेइ। तए णं से भरहे राया रहं परावत्तेइ 2 ता मागहतित्थेणं लवणसमुद्दाओ पच्चुत्तरइ 2 ता जेणेव विजयखंधावारणिवेसे जेणेव बाहिरिआ उवट्ठाणसाला तेणेव उवागच्छइ 2 ता तुरए णिगिण्हइ 2 त्ता रहं ठवेइ 2 सा रहाश्रो पच्चोरुहति 2 ता जेणेव मज्जणघरे तेणेव उवागच्छति 2 त्ता मज्जणधरं अणुपविसइ 2 ता जाव' ससिव्व पिअसणे परवई मज्जणघरायो पडिणिक्खमइ 2 त्ता जेणेव भोप्रणमंडवे तेणेव उवागच्छइ 2 त्ता भोप्रणमंडवंसि सुहासणवरगए अट्ठमभत्तं पारेइ 2 ता भोगणमंडवाओ पडिणिक्खमइ 2 त्ता जेणेव बाहिरिया उवट्ठाणसाला जेणेव सोहासणे तेणेव उवागच्छइ 2 ता सीहासणवरगए पुरत्थाभिमुहे णिसोअइ 2 ता अट्ठारस सेणिप्पसेणीयो सद्दावेइ 2 त्ता एवं वयासी--'खिप्पामेव भो देवाणुप्पिया ! उस्सुक्कं उक्करं जाव' मागहतित्थकुमारस्स देवस्स अट्टाहियं महामहिमं करेइ 2 त्ता मम एअमाणत्तिअं पच्चप्पिण्णह / ', तए णं ताओ अट्ठारस सेणिप्पसेणीओ भरहेणं रण्णा एवं वुत्तानो समाणीओ हट्ठ जाव करेंति 2 त्ता एप्रमाणत्तिअं पच्चप्पिणंति / तए णं से दिव्वे चक्करयणे वइरामयतुबे लोहिअक्खामयारए जंबूणयणेमीए णाणामणिखुरप्पथालपरिगए मणिमुत्ताजालभूसिए सणंदिघोसे सखिखिणीए दिव्वे तरुणरविमंडल णि णाणामणिरयणघंटिआजालपरिक्खित्ते सव्वोउअसुरभिकुसुमबासत्तमल्लदामे अंतलिक्खपडिवणे जक्खसहस्ससंपरिवुडे दिव्वतुडिअसहसणिणादेणं पूरेते व अंबरतलं गामेण य सुदंसणे गरवइस्स पढमे चक्करयणे मागहतित्थकुमारस्स देवस्स अट्टाहिनाए महामहिमाए णिवत्ताए समाणीए प्राउघरसालाओ पडिणिक्खमइ 2 ता दाहिणपच्चस्थिमं दिसि वरदामतित्थाभिमुहे पयाए यावि होत्था / 1. देखें सूत्र संख्या 44 / 2. देखें सूत्र 45 / 3. देखें सूत्र 44 / 4. देखें सूत्र 44 /