Page Text
________________ तृतीय वक्षस्कार [95 (महया जुईए, महया बलेणं, महया समुदयेणं, महया आयरेणं, महया विभूसाए, महया विभूईए महया वत्थ-पुप्फ-गंध-मल्लालंकारविभूसाए, महया तुडिअसहसणिणाएणं,) महया वरतुडियजमगसमगपवाइएणं संखपणवपडहभेरिझल्लरिखरमुहिमुरयमुइंगदुदुहिणिग्घोसणाइएणं जेणेव पाउहघरसाला, तेणेव उवागच्छइ, उवागच्छित्ता आलोए चक्करयणस्स पणामं करेइ, करेत्ता जेणेव चक्करयणे तेणेव उवागच्छइ, उवागच्छित्ता लोमहत्थयं परामुसइ, परामुसित्ता चक्करयणं पमज्जइ, पमज्जित्ता दिवाए उदगधाराए अन्भुक्खेइ, अन्भुक्खित्ता सरसेणं गोसीसचंदणेणं अणुलिपइ, अणुलिपित्ता अग्गेहि, बरेहि, गंधेहि, मल्लेहि अ अच्चिणइ, पुष्फारहणं, मल्ल-गंध-वण्ण-चुण्ण वत्थारुहणं, आभरणारुहणं करेइ, करेत्ता अच्छेहि, सण्हेहि, सेएहि, रययामरहिं, अच्छरसातंडुलेहिं चक्करयणस्स पुरनो अट्ठमंगलए प्रालिहइ, तंजहा-सोत्थिय 1. सिरिवच्छ 2. दिपावत्त 3. बद्धमाणग 4. भद्दासण 5. मच्छ 6. कलस 7. दप्पण 8. अट्टमंगलए आलिहित्ता काऊणं करेइ उवयारंति, कि ते पाडलमल्लिअचंपगअसोगपुण्णागचूप्रमंजरोणवमालिअबकुलतिलगकणवीरकुदकोज्जयकोरंटयपत्तदमणयवरसुरहिसुगंध - गंधिप्रस्स, कयग्गहगहि-करयलपब्भविष्पमुक्कस्स, दसद्धवण्णस्स, कुसुमणिगरस्स तत्थ चित्तं जाणुस्सेहप्पमाणमित्तं ओहिनिगरं करेता चंदप्पभवहरवेरुलिनविमलदंडं, कंचणमणिरयणभत्तिचित्तं, कालागुरुपवरकुदुरुक्कतुरुक्कधूवगंधुत्तमाणुविद्ध च धूमट्टि विणिम्मुअंतं, वेरुलिअमयं कडच्छुअं पग्गहेत्तु पयते, धूवं दहइ, दहेत्ता सत्तटुपयाई पच्चोसक्कइ, पच्चोसक्केत्ता वामं जाणु अंचेइ, (दाहिणं जाणुधरणिअलंसि निहट्ट करयलपरिग्गहिनं दसणहं सिरसावत्तं मत्थए अंजलि कटु) पणामं करेइ, करेत्ता आउहघरसालानो पडिणिक्खमइ, पडिणिक्खमेत्ता जेणेव बाहिरिया उवट्ठाणसाला, जेणेव सीहासणे, तेणेव उवागच्छइ, उवागच्छिता सीहासणवरगए पुरत्थाभिमुहे सण्णिसीयइ, सण्णिसित्ता अट्ठारस सेणिप्पसेणीनो सद्दावेइ, सहावेत्ता एवं वयासी-खिप्पामेव भो देवाणुप्पिया ! उस्सुक्क, उक्कर, उक्किट्ठ, अदिज्ज, अमिज्जं, अभडप्पवेसं, अदंडकोदंडिम, अधरिम, गणिनावरणाडइज्जकलियं, अणेगतालायराणुचरियं, अणुद्धअमुइंगं, अमिलाय-मल्लदामं, पमुइय-पक्कीलियसपुरजणजाणवयं विजयवेजइयं चक्करयणस्स अट्टाहि महामहिमं करेह, करेत्ता ममेयमाणत्तियं खिप्पामेव पच्चप्पिणह। तए णं ताओ अट्ठारस सेणिप्पसेणीओ भरहेणं रना एवं वुत्ताश्रो समाणोनो हट्ठालो जाव' विणएणं वयणं पडिसुणेति, पडिसुणित्ता भरहस्स रण्णो अंतियाओ पडिणिषखति, पडिणिवखमित्ता उस्सुक्कं, उक्कर, (उक्किट्ठ, अदिज्जं, अमिज्जं, अभडप्पवेसं, अदंडकोदंडिम, अधरिम, गणिआवरणाडइज्जकलियं, अणेगतालायराणुचरियं, अणुद्धयमुइंगं, अमिलायमल्लदामं, पमुइय-पक्कोलियसपुरजणजाणवयं विजयवेजइयं चक्करयणस्स अट्टाहियं महामहिम) करेंति य कारवेंति य, करेत्ता कारवेत्ता य जेणेव भरहे राया, तेणेव उवागच्छंति, उवागच्छित्ता जाय तमाणत्तियं पच्चप्पिणंति / 1. देखें सूत्र यही Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |