Page Text
________________ 70] [जम्बूद्वीपप्रज्ञप्तिसूत्र 43. तए णं सक्के देविदे, देवराया बहवे भवणवइवाणमंतरजोइसवेमाणिए देवे एवं वयासो-- खिप्पामेव भो देवाणुप्पिा ! णंदणवणाओ सरसाइं गोसोसवरचंदणकट्ठाई साहरह, साहरेत्ता तो चिइगाओ रएह-एगं भगवो तित्थगरस्स, एगं गणधराणं, एग अवसेसाणं अणगाराणं / तए णं ते भवणवइ ( वाणमंतर-जोइसिन ) वेमाणिवा देवा गंदणवणाओ सरसाइं गोसीसवरचंदणकट्ठाई साहरंति, साहरेत्ता तओ चिइगाओ रएंति, एगं भगवो तित्थगरस्स, एगं गणहराणं, एगं अवसेसाणं अणगाराणं। तए णं से सक्के देविदे, देवराया आभियोगे देवे सहावेइ, सहावेत्ता एवं वयासी-खिप्पामेव भो देवाणुप्पिया ! खोरोदगसमुद्दाओ खीरोदगं साहरह / तए णं ते प्राभिप्रोगा देवा खीरोदगसमुद्दामो खोरोदगं साहरंति / तए णं से सक्के देविदे, देवराया पाभिओगे देवे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! खीरोदगसमुद्दाओ खीरोदगं साहरह / तए णं ते आभिप्रोगा देवा खीरोदगसमुद्दाओ खीरोदगं साहति / तए णं से सक्के देविदे, देवराया तित्थगरसरीरगं खीरोदमेणं ण्हाणेति, ण्हाणेत्ता सरसेणं गोसीसवरचंदणेणं अणुलिपइ, अणुलिपेत्ता हंसलक्खणं पडसाडयं णिअंसेइ, णिअंसेत्ता सव्वालंकारविभूसिनं करेति / तए णं ते भवणवइ जाव' माणिआ गणहरसरीरगाई अणगारसरीरगाईपि खीरोदगेणं व्हावंति, पहावेत्ता सरसेणं गोसीसबरचंदणेणं अणुलिपंति, अणुलिपेत्ता अहयाई दिब्वाइं देवदूसजुअलाई णिअंसंति, णिग्रंसेत्ता सव्वालंकारविभूसिआई करेंति / तए णं से सषके देविदे, देवराया ते बहवे भवणवइ जाव' वेमाणिए देवे एवं वयासी-खिप्पामेव भो देवाणुप्पिा ! ईहामिगउसभतुरग (-णरमगरविहगवालगकिन्नररुरुसरभचमरकुजर-)वणलयभत्तिचित्तानो तओ सिवियाओ विउव्वह, एगं भगवओ तित्थगरस्स, एगं गणहराणं, एग अवसेसाणं अणगाराणं, तए णं ते बहवे भवणवइ जाव बेमाणिआ तो सिविमानो विउव्वंति, एगं भगवओ तित्थगरस्स, एगं गणहराणं, एगं अवसेसाणं अणगाराणं / तए णं से सक्के देविदे, देवराया विमणे, णिराणंदे, अंसुपुण्णणयणे भगवनो तित्थगरस्स विणट्ठजम्मजरामरणस्स सरीरगं सीअं आरुहेति आरुहेत्ता चिइगाइ ठवेइ / तए णं ते बहवे भवणवइ जाव वेमाणिआ देवा गणहराणं अणगाराण य विणट्ठजम्मजरामरणाणं सरीरगाई सीअं पारुहेंति, आरुहेत्ता चिइगाए ठवेंति। 1. देखें सूत्र यही 2. देखें सूत्र यही 3. देखें सूत्र यही 4. देखें सूत्र यही Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |