________________ प्रथम प्राभूत-छठा प्राभूतप्राभूत [23 . तया णं उत्तमकठ्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ, एस णं पढमे छम्मासे, एस णं पढमस्स छम्मासस्स पज्जवसाणे, 1. से पविसमाणे सूरिए दोच्चं छम्मासं अयमाणे पढमंसि अहोरत्तंसि बाहिराणंतर मंडलं उवसंकमित्ता चारं चरइ, ता जया णं सूरिए बाहिराणंतर मंडलं उवसंकमित्ता चार चरइ, तया णं दो दो जोयणाई अडयालीसं च एगठिभागे जोयणस्स एगेणं राइदिएणं विकंपइत्ता चारं चरइ, तया णं अट्ठारसमुहुत्ता राई भवइ दोहिं एगठिभागमुहुर्तेहिं ऊणा, दुवालसमुहुत्ते दिवसे भवइ दोहिं एगट्ठिभागमुहुत्तेहि अहिए, 2. से पविसमाणे सूरिए दोच्चंसि अहोरत्तंसि बाहिर तच्चं मंडलं उवसंकमित्ता चार चरइ, ता जया णं सूरिए बाहिर तच्चं मंडलं उवसंकमित्ता चारं चरइ, तया णं पंचजोयणाई पणतीसं च एगठिभागे जोयणस्स दोहिं राइदिएहिं विकंपइत्ता विकंपइत्ता चारं चरइ, तया णं अट्ठारसमुहत्ता राई भवइ, चहि एगठिभागमुहुत्तेहिं ऊणा, दुवालसमुहुत्ते दिवसे भवइ, चहिं एगठिभागमुहुत्तेहि अहिए, एवं खलु एएणं उवाएणं पविसमाणे सूरिए तयाऽणंतराओ मंडलानो तयाणंतरं मंडलं संकममाणे संकममाणे दो जोयणाई अडयालीसं च एगठिभागे जोयणस्स एगमेगं मंडलं एगेमेगेणं राइदिएणं विकंपमाणे विकंपमाणे सव्वभंतर मंडलं उवसंकमित्ता चारं चरइ, ता जया णं सूरिए सम्वबाहिराओ मंडलाओ सव्वभंतर मंडलं उवसंकमित्ता चारं चरइ, तया णं सव्वबाहिर मंडलं पणिहाय एगे गं तेसोए णं राइंदियसएणं पंचसुत्तरे जोयणसए विकंपइत्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहत्ता राई भवह एस णं दोच्चे छम्मासे, एस णं दोच्चस्स छम्मासस्स पज्जवसाणे, एस णं प्राइच्चे संवच्छरे, एस णं आइच्चस्स संवच्छरस्स पज्जवसाणे / 00 Jain Education International For Private & Personal Use Only www.jainelibrary.org
