________________ 22] [सूर्यप्रज्ञप्सूित्र वयं पुण एवं वयामो ता दो जोयणाई अडयालीसं च एगट्ठिभागे जोयणस्स एगमेगं मंडलं एगमेगेणं राइदिएणं विकंपइत्ता विकंपइत्ता सूरिए चारं चरइ, तत्थ णं को हेऊ ? इति वदेज्जा। ता अयं णं जंबुद्दीवे दीवे सव्वदीव-समुद्दाणं सम्वन्भंतराए सव्वखुड्डागे वट्टे जाव जोयणसयसहस्समायामविक्खंभेणं, तिष्णि जोयणसयसहस्साइं, दोणि य सत्तावीसे जोयणसए, तिणि कोसे अट्ठावीसं च धणुसयं तेरस अंगुलाई, अद्धंगुलं च किंचि विसेसाहिए परिक्खेवेणं पण्णत्ते / 1. ता जया णं सूरिए सव्वब्भंतर मंडलं उवसंकमित्ता चारं चरइ-.. तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, 2. से निक्खममाणे सूरिए णवं संवच्छर अयमाणे पढमंसि अहोरत्तंसि अम्भिंतराणंतरं मंडलं उवसंकमित्ता चारं चरइ, ___ता जया णं सूरिए अभिंतराणंतर मंडलं उवसंकमित्ता चारं चरइ, तया णं दो जोयणाई अडयालीसं च एगठिभागे जोयणस्स एगेणं राइदिएणं विकंपइत्ता विकंपइत्ता चारं चरइ, तया णं अट्ठारसमुहुत्ते दिवसे भवइ, दोहिं एगठिभागमहत्तेहि ऊणे, दुवालसमुहुत्ता राई भवइ, दोहिं एगठिभागमुहुर्तेहि अहिया। 3. से निक्खममाणे सूरिए दोच्चंसि अहोरत्तसि अम्भितरं तच्चं मंडलं उवसंकमित्ता वारं चरह, ता जया णं सूरिए अभिंतर तच्चं मंडलं उवसंकमित्ता चारं चरइ, तया णं पंच जोयणाई पणतीसं च एगठिभागे जोयणस्स दोहिं राइदिएहि विकंपइत्ता विकंपइत्ता चारं चरइ, तया णं अट्ठारसमुहुत्ते दिवसे भवइ, चहिं एगठिभागमहत्तेहि ऊणे, दुवालसमुहुत्ता राई भवइ चहिं एगठिभागमुहुर्तहि अहिया, एवं खलु एएणं उवाएणं निक्खममाणे सूरिए तयाणंतराओ मंडलाओ तयाणंतर मंडलं संकममाणे संकममाणे दो दो जोयणाई अडयालीसं च एगठिभागे जोयणस्स एगमेगं मंडलं एगमेगेणं राइदिएणं विकंपमाणे विकंपमाणे सव्वबाहिरं मंडलं उवसंकमित्ता चारं चरइ।। ता जया णं सूरिए सम्वन्भंतरामो मंडलाओ सम्वबाहिर मंडलं उवसंकमित्ता चार चरइ, तया णं सम्वन्भंतर मंडलं पणिहाय एगेणं तेसीएणं राइंदियसएणं पंचदसुत्तरजोयणसए विकंपइत्ता विकंपइत्ता चारं चरइ, Jain Education International For Private & Personal Use Only www.jainelibrary.org
