________________ प्रथम प्रात [चतुर्थ प्राभृतप्राभूत सूरियाणं अण्णमण्णस्स अंतर-चारं 15. ता केवइयं एए दुवे सूरिया अण्णमण्णस्स अंतरं कटु चारं चरंति, आहितेति वएज्जा? तत्थ खलु इमाओ छ पडिवत्तीओ पण्णत्ताओ, तं जहा१. तत्थ एगे एवमाहंसु ता एगं जोयणसहस्सं एगं च तेत्तीसं जोयणसयं अण्णमण्णस्स अंतरं कटु सूरिया चारं चरंति, आहितेति बदेज्जा, एगे एबमाहंसु / 2. एगे पुण एवमाहंसु ता एग जोयणसहस्सं एगं च चोत्तीसं जोयणसयं अण्णमण्णस्स अंतरं कटु सूरिया चारं चरंति, आहितेति वदेज्जा, एगे एबमाहंसु, 3. एगे पुण एवमाहंसु ता एगं जोयणसहस्सं एगं च पणतीसं जोयणसयं अण्णमण्णस्य अंतरं कटु सूरिया चारं चरंति, आहितेति वदेज्जा, एगे एवमाहंसु, 4-1. एगे पुण एवमाहंसु ता एगं दोवं, एगं समुदं अण्णमण्णस्स अंतरं कटु सूरिया चारं चरंति, आहितेति वदेज्जा, एगे एवमाहंसु, 5-2. एगे पुण एवमाहंसु ता दो दीवे, दो समुद्दे अण्णमण्णस्स अंतरं कटु सूरिया चारं चरंति, आहितेति वदेज्जा, एगे एवमाहंसु, 6-3, एगे पुण एवमाहंसु ता तिणि दीवे, तिण्णि समुद्दे, अण्णमण्णस्स अंतरं कटु सूरिया चारं चरंति, आहितेति वदेज्जा, एगे एवमाहंसु, वयं पुण एवं वयामो ता पंच पंच जोयणाई पणतीसं च एगठिभागे जोयणस्स एगमेगे मंडले अण्णमग्णस्स अंतरं अभिवढे माणा वा, निवड्ढेमाणा वा सूरिया चारं चरंति, आहितेति वदेज्जा, Jain Education International For Private & Personal Use Only www.jainelibrary.org
