________________ दशम प्राभूत [चौदहवां प्राभृतप्राभूत दिवसराईणं णामाइं४८. प. ता कहं ते दिवसा ? आहिए ति वएज्जा, उ. ता एगमेगस्स णं पक्खस्स पण्णरस पण्णरस दिवसा पण्णत्ता, तंजहा-पडिया दिवसे, बितिया दिवसे, तइया दिवसे, चउत्थी दिवसे, पंचमी दिवसे, छट्ठी दिवसे, सत्तमी दिवसे, अट्ठमी दिवसे, नवमी दिवसे, दसमी दिवसे, एक्कारसी दिवसे, बारसी दिवसे, तेरसी दिवसे, चउद्दसो दिवसे, पण्णरसे दिवसे, ता एएसि णं पण्णरसण्हं दिवसाणं पण्णरस णामधेज्जा पण्णत्ता, तंजहागाहाओ:१. पुवंगे, 2. सिद्धमणोरमे, य तत्तो, 3. मणोहरो चेव / 4. जसभद्दे, 5. जसोधर, 6. सम्वकामसमिद्धे ति य // 1 // 7. इंदे मुद्धाभिसित्ते य, 8. सोमणस, ६.धणंजए य बोद्धब्वे / 10. अत्थसिद्धे, 11. अभिजाए, 12. अच्चासणे, 13. सतंजए // 2 // 14. अग्गिवेसे, 15. उवसमे, दिवसाणं णामधेज्जाई / / प. ता कहं ते राईओ पण्णत्ताओ? आहिए ति वएज्जा। उ. ता एगमेगस्स णं पक्खस्स पण्णरस पण्णरस राईओ पण्णताओ, तंजहा पडिवाराई. बितियाराई, ततीयाराई, चउत्थीराई, पंचमीराई, छट्ठीराई, सत्तमीराई, अट्ठमीराई, नवमोराई, दसमीराई, एक्कारसोराई, बारसोराई, तेरसोराई, चउद्दसीराई, पण्णरसीराई, ता एयासिणं पण्णरसण्हं राईणं पण्णरस णामधेज्जा पण्णत्ता, तंजहा गाहाओ:-- 1. उत्तमा य, 2. सुणक्खत्ता, 3. एलावच्चा, 4. जसोधरा / / 5. सोमणसा चेव तहा, 6. सिरिसंभूता य बोद्धन्वा // 1 // 7. विजया य, 8. वेजयंती, 6. जयंति, 10. अपराजिया य, 11. गच्छा य / 12. समाहारा चेव तहा, 13. तेया य तहा य, 14. अतितेया // 2 // 15. देवाणंदानिरती, रयणीणं गामधेज्जाई / / Jain Education International For Private & Personal Use Only www.jainelibrary.org
