Page Text
________________ द्वितीय स्थानपद ] [147 - ते गं भवणा बाहिं वट्टा अंतो समचउरसा अहे पुक्खरकण्णियासंठाणसंठिता उक्किण्णंतरविउलगंभीरखात-परिहा पागार-ऽट्टालय-कवाड-तोरण-पडिदुवारदेसभागा जंत-सयग्घि-मुसल-मुसंढिपरियरिया प्रउज्झा सदाजता सदागुत्ता अडयालकोटगरइया अडयालकयवणमाला खेमा सिवा किकरामरदंडोवरक्खिया लाउल्लोइयमहिया गोसीस-सरसरत्तचंदणददरदिण्णपंचंगुलितला उचियचंदणकलसा चंदणघडसुकततोरणपडिदुवारदेसभागा पासत्तोसत्तविउलवट्टवग्घारियमल्लदामकलावा पंचवण्णसरससुरहिमुक्कपुप्फपुजोक्यारकलिया' कालागरु-पवरकुदुरुक्क-तुरुक्कधूवमघमघेतगंधुद्धयाभिरामा सुगंधवरगंधगंधिया गंधवट्टिभूता अच्छरगणसंघसंविगिण्णा दिव्वतुडितसहसंपणदिता सम्वरयणामया अच्छा सण्हा लण्हा घट्टा मट्ठा पोरया णिम्मला निप्पंका निक्कंकडच्छाया सप्पहा सस्सिरिया समरिया सउज्जोया पासादीया दरिसणिज्जा अभिरूवा पडिरुवा, एत्थ णं भवणवासीणं देवाणं पज्जत्ताऽपज्जत्ताणं ठाणा पण्णत्ता। __उववाएणं लोगस्स असंखेज्जइभागे, समुग्घाएणं लोगस्स असंखेज्जइभागे, सटाणेणं लोयस्स असंखेज्जइभागे / तत्थ णं बहवे भवणवासी देवा परिवसंति / तं जहा असुरा 1 नाग 2 सुवण्णा 3 विज्जू 4 अग्गी य 5 दीव 6 उदही य 7 / दिसि 8 पवण 6 थणिय 10 नामा दसहा एए भवणवासी // 137 // चूडामणिमउडरयण १-भूसणनिउत्तणागफड २.गरुल ३-बइर ४-पुष्णकलसविउप्फेस ५-सीह ६-मगर ७-गयअंक ८-हयवर ६-वद्धमाण १०-निज्जुत्तचित्तचिधगता सुरूवा महिड्डीया महज्जुतीया महायसा महब्बला महाणुभागा महासोक्खा हारविराइयवच्छा कडग-तुडियथंभियभुया अंगद-कुडल-मट्ठगंडतल कण्णपीढधारी विचित्तहत्थाभरणा विचित्तमाला-मउलोमउडा कल्लाणगपवरवत्थपरिहिया कल्लाणगपवरमल्लाणुलेवणधरा भासुरबोंदी पलंबवणमालधरा दिव्वेणं वपणेणं दिग्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्डीए दिवाए जुतीए दिवाए पभाए दिव्याए छायाए दिव्वाए अच्चोए दिव्वेणं तेएणं दिव्वाए लेसाए दस दिसाम्रो उज्जोवेमाणा पभासेमाणा। ते णं तत्थ साणं साणं भवणावाससयसहस्साणं साणं साणं सामाणियसाहस्सीणं साणं साणं तायत्तीसगाणं साणं साणं लोगपालाणं साणं साणं अग्गहिसीणं साणं साणं परिसाणं साणं साणं अणियाणं साणं साणं अणियाहिवतीणं साणं साणं पायरक्खदेवसाहस्सीणं अण्णेसि च बहूणं भवणवासीणं देवाण य देवीण य आहेवच्चं पोरेवच्चं सामित्तं भट्टित्तं महयरगत्तं प्राणाईसरसेगावच्चं कारेमाणा पालेमाणा महताहतनट्ट-गीत-वाइततंती-तल-ताल-तुडिय-घणमुयंग-पडुप्पवाइयरवेण दिव्वाई भोगभोगाई भुंजमाणा विहरंति / [177 प्र.] भगवन् ! पर्याप्त और अपर्याप्त भवनवासी देवों के स्थान कहाँ कहे गए हैं ? भवनवासी देव कहाँ निवास करते हैं ? [177 उ.] गौतम ! एक लाख अस्सी हजार योजन मोटी इस रत्नप्रभाथ्वी के ऊपर एक 1. ग्रन्थानम् 1000 Jain Education International For Private & Personal Use Only www.jainelibrary.org
| SR No. | 003483 |
| Book Title | Agam 15 Upang 04 Pragnapana Sutra Stahanakvasi |
| Original Sutra Author | Shyamacharya |
| Author | Madhukarmuni, Gyanmuni, Shreechand Surana, Shobhachad Bharilla |
| Publisher | Agam Prakashan Samiti |
| Publication Year | 1983 |
| Total Pages | 1524 |
| Language | Prakrit, Hindi |
| Classification | Book_Devnagari |
| File Size | 37 MB |