________________ तृतीय प्रतिपत्त : कालोपसमुद्र को वक्तव्यता] कहि णं भंते ! कालोयसमुदस्स जयंते नामं दारे पण्णत्ते ? गोयमा ! कालोयसमुद्दस्स पच्चत्थिमपेरते पुक्खरवरदीवस्स पच्चत्थिमद्धस्स पुरस्थिमेणं सीताए महाणईए उपि जयंते णामं दारे पण्णते। कहिणं भंते ! कालोयसमुहस्स अपराजिए नामं दारे पण्णते ? गोयमा ! कालोयसमुदस्स उत्तरद्धपेरते पुक्खरवरदोवोत्तरद्धस्स दाहिणतो एत्थ णं कालोयसमुहस्स अपराजिए णामं दारे पण्णते / सेसं तं चेव / कालोयस्स णं भंते ! समुदस्स दारस्स य दारस्स य एस गं केवइयं केवइयं अबाहाए अंतरे पण्णते? गोयमा!-बावीससयसहस्सा बाणउइ खलु भवे सहस्साई। छच्च सया बायाला दारंतरं तिन्नि कोसा य // 1 // दारस्स य दारस्स य अबाहाए अंतरे पण्णत्ते। कालोदस्स णं भंते ! समुद्दस्स पएसा पुक्खरवरदीवं पुट्ठा ? तहेव, एवं पुक्खरवरदीवस्सवि जीवा उद्दाइत्ता उदाइत्ता तहेव भाणियन्वं / से केणडेणं भंते ! एवं बुच्चइ-कालोए समुद्दे कालोए समुद्दे ? गोयमा ! कालोयस्स णं समुदस्स उदगे आसले मासले पेसले कालए मासरासिवण्णाभे पगईए उदगरसे गं पण्णत्ते, काल-महाकाला एत्थ दुवे देवा महिड्डिया जाव पलिओवमट्टिईया परिवसंति, से तेणद्वेणं गोयमा ! जाव णिच्चे। कालोए णं भंते ! समुद्दे कति चंदा पभासिसु वा 3 पुच्छा ? गोयमा ! कालोए णं समुद्दे बायालीसं चंदा पभासिसु वा 3 / बायालीसं चंदा बायालीसं य दिणयरा वित्ता। कालोदहिम्मि एते चरंति संबद्धलेसागा // 1 // णक्खत्ताण सहस्सं एगं छावत्तरं च सयमणं / छच्चसया छण्णउया महागया तिणि य सहस्सा // 2 // अट्ठावीसं कालोदहिम्मि बारस य सयसहस्साई। नव य सया पन्नासा तारागणकोडिकोडीणं // 3 // सोभिसु वा 3 // 175. गोल और वलयाकार आकृति का कालोद (कालोदधि) नाम का समुद्र धातकीखण्ड द्वीप को सब ओर से घेर कर रहा हया है। Jain Education International For Private & Personal Use Only www.jainelibrary.org
