Page Text
________________ 70 | अन्तकृदशा तए णं गयसुकुमालस्स कुमारस्त पुरिससहस्सवाहिणि सीयं दुरूढस्स समाणस्स तप्पढमयाए इमे अट्ठमंगलगा पुरओ अहाणुपुवीए संपट्ठिया; तं जहा-सोत्थिय-सिरिवच्छ जाव दप्पणा; तयाणंतरं च णं पुण्णकलसभिंगारं जहा उववाइए, जाव गगणतलमणुलिहंती पुरो प्रहाणुपुवीए संपट्ठिया; एवं जहा उबवाइए तहेव भाणियब्वं जाव पालोयं च करेमाणा जयजयसई च पउंजमाणा पुरो प्रहाणुपुवीए संपट्ठिया / तयाणंतरं च णं बहवे उग्गा भोगा जहा उववाइए जाव महापुरिसवगुरापरिक्खित्ता, गयसुकुमालस्स कुमारस्स पुरओ य मग्गयो य पासओ य अहाणुपुवीए संपट्टिया। तए णं से गयसुकुमाल-कुमारस्स पिया बहाए कयबलिकम्मे जाव हत्थिखंधवरगए सकोरंटमल्लदामेणं छत्तेणं धरिज्जमाणेणं सेयवर चामराहि उद्ध व्वमाणीहि य-गय-रह-पवरजोह-कलियाए चाउरंगिणीए सेणाए सद्धि संपरिवुडे, महयाभड़चडगर जाव परिक्खित्ते गयसकुमालस्स कुमारस्स पिढयो अणुगच्छइ। तए णं तस्स गयसुकुमालस्स-कुमारस्स पुरप्रो महं पासा पासवरा, उभो पासि णागा, णागवरा, पिट्ठो रहा, रहसंगेल्ली / तए णं से गयसुकुमाल-कुमारे अब्भुग्गभिंगारे, परिगहियतालियंटे, ऊसवियसेयछत्त, पवीइयसेयचामरबालवीयणाए, सबिड्डीए जाव णाइयरवेणं, तयाणंतरं च बहवे लटिग्गाहा कुतग्गाहा जाव पुत्थयग्गाहा, जाव वीणग्गाहा; तयाणंतरं च णं अट्ठसयं गयाणं, अटुसयं तुरयाणं अट्ठसयं रहाणं; तयाणंतरं च णं लउड-असि-कोंतहत्थाणं बहूणं पायत्ताणीणं पुरओ संपट्टियं; तयाणंतरं च णं बहवे राईसर-तलवर जाव सत्थवाहप्पभिइओ पुरओ संपट्ठिया बारवईए नयरीए मज्झमझेणं जेणेव अरहयो अरिटनेमी तेणेव पहारस्थ गमणाए। तए णं तस्स गयसुकुमाल-कुमारस्स बारवईए नयरोए मझमझेणं णिग्गच्छमाणस्स सिंघाडगतिय-चउक्क जाव पहेसु बहवे अत्यत्थिया जहा उववाइए, जाव अभिशंदता य अभित्थुणंता य एवं वयासी-जय जय गंदा! धम्मणं, जय जय गंदा! तवेणं, जय जय गंदा! भद्रं ते प्रभग्हिं जाणदसण-चरित्तमुत्तमहि, अजियाई जिणाहि इंदियाई, जियं च पालेहि समणधम्म; जियविग्यो विय वसाहि तं देव ! सिद्धिमज्झे, णिहणाहि य राग-दोसमल्ले, तवेणं धिइधणियबद्धकच्छे, महाहि य अटु कम्मसत्त झाणेणं उत्तमेणं सुक्केणं, अप्पमत्तो हराहि पाराहणपडागं च धीर ! तेलोक्करंगमज्झे, पावय वितिमिरमणुत्तरं केवलं च जाणं, गच्छ य मोक्खं परं पदं जिणवरोवदिट्टणं सिद्धिमग्गणं अकुडिलेणं, हंता परोसहचम, अभिभविय गामकंटकोवसग्गाणं, धम्मे ते अविग्घमत्थु, त्ति कटु अभिगंदंति, य अमिथुणंति य। तए णं से गयसुकुमाले कुमारे बारवईए नयरीए मज्झं-मज्झेणं णिग्गच्छइ, णिग्गच्छित्ता जेणेव सहस्संबवणे उज्जाणे तेणेव उवागच्छइ, उवागच्छित्ता छत्ताईए तित्थगराइसेए पासइ, पासित्ता पुरिससहस्सवाहिणि सीयं ठवेइ, पुरिससहस्सवाहिणीप्रो सोयानो पच्चोरुहाइ / तए णं तं गयसुकुमालं कुमारं अम्मापियरो पुरओ काउजेणेव अरहा अरिट्ठनेमी तेणेव उवागच्छन्ति, उवागच्छित्ता अरहं अरिट्टनेमि तिक्खुत्तो जाव णमंसित्ता एवं वयासो-एवं खलु भते ! गयसुकुमाले कुमारे अम्हं एगे पुत्ते इ8 कंते जाव किमंग ! पुण पासणयाए, से जहाणामए उप्पले इ वा, पउमे इ वा जाव सहस्सपत्ते इ वा पंके जाए जले संवुड्ढे गोवलिप्पइ पंकरएणं, गोवलिप्पइ जलरएणं, एवामेव गयसुकुमाले कुमारे काहिं जाए, भोहिं संवुड्ढे णोवलिप्पइ कामरएणं पोवलिप्पइ भोगरएणं णोवलिप्पइ मित्त-गाइ-णियग-सयण-संबंधिपरिजणेणं। एस णं देवाणुप्पिया ! संसारभयुम्विग्गे भीए Jain Education International For Private & Personal Use Only www.jainelibrary.org
| SR No. | 003476 |
| Book Title | Agam 08 Ang 08 Anantkrut Dashang Sutra Stahanakvasi |
| Original Sutra Author | N/A |
| Author | Madhukarmuni, Divyaprabhashreeji, Devendramuni, Ratanmuni, Kanhaiyalal Maharaj |
| Publisher | Agam Prakashan Samiti |
| Publication Year | 1981 |
| Total Pages | 249 |
| Language | Prakrit, Hindi |
| Classification | Book_Devnagari |
| File Size | 7 MB |