________________
दसवीं दशा]
[८५ पच्चुवेक्खइ, पच्चुवेक्खित्ता जाणं पच्चोरुभति, पच्चोरुभित्ता जाणगं संपमजति, संपमजिता जाणगंणीणेइ, णीणेत्ता जाणगं संवट्टेति, संवदे॒त्ता दूसंपवीणेति, पवीणेत्ता जाणगं समलंकरेइ, जाणगं समलंकरित्ता जाणगं वरमंडियं करेइ, करित्ता जेणेव वाहणसाला तेणेव उवागच्छइ, उवागच्छित्ता वाहणसालं अणुप्पविसित्ता वाहणाइं पच्चुवेक्खइ, पच्चुवेक्खित्ता वाहणाइंसंपमज्जइ, संपमज्जित्ता वाहणाइं अप्फालेइ, अप्फालेत्ता वाहणाइंणीणेइ, णीणेत्ता दूसे पवीणेइ, पवीणेत्ता वाहणाइंसमलंकरेइ, समलंकरित्ता वराभरणमंडियाइं करेइ, करेत्ता वाहणाइं जाणगंजोएइ, जोएत्ता वट्टमग्ग गाहेइ, गाहित्ता पओद-लट्ठि पओद-धरे य सम्मं आरोहइ, आरोहइत्ता जेणेव सेणिए राया तेणेव उवागच्छइ, उवागच्छित्ता जाव एवं वयासी
'जुत्ते ते सामी! धम्मिए जाण-पवरे आदितु, भदं तव, आरूहाहि।'
तए णं सेणिए राया भंभसारे जाणसालियस्स अंतिए एयमढे सोच्चा निसम्म हद्वतुढे जाव मजणघरं अणुपविसइ, अणुपविसित्ता जाव कप्परुक्खे चेव अलंकिए विभूसिए णरिंदे जाव मजणघराओ पडिनिक्खमइ, पडिनिक्खमित्ता जेणेव चेल्लणादेवी तेणेव उवागच्छइ, उवागच्छित्ता चेल्लणादेविं एवं वयासी
एवं खलु देवाणुप्पिए! समणे भगवं महावीरे आइगरे तित्थयरे जाव पुव्वाणुपुट्विं चरमाणे जाव संजमेणं तवसा अप्पाणं भावेमाणे विहरइ।।
तं महप्फलं देवाणुप्पिए! तहारूवाणं अरहंताणं भगवंताण णामगोयस्स विसवणयाए, किमंग पुण अभिगमण वंदण णमंसण पडिपुच्छण पजुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए। तं गच्छामो देवाणुप्पिए! समणं भगवं महावीरं वंदामो, नसंसामो, सक्कारेमो, सम्माणेमो, कल्लाणं, मंगलं, देवयं, चेइयं पजुवासामो।
एतं णं इहभवे य परभवे य हियाए, सुहाए, खमाए, निस्सेयसाए, अणुगामियत्ताए भविस्सति।
तए णं सा चेल्लणादेवी सेणियस्स रन्नो अंतिए एयमढे सोच्चा निसम्म हट्टतुट्ठा जाव सेणियस्स रन्नो एयमढे विणएणं पडिसुणेइ, पडिसुणित्ता जेणेव मज्जणघरे तेणेव उवागच्छइ, उवागच्छिता मज्जणघरं अणुपविसइ जाव' महत्तरगविंद-परिक्खित्ता जेणेव बाहिरिया उवट्ठाणसाला, जेणेव सेणियराया, तेपणेव उवागच्छइ।
तए णं से सेणियराया चेल्लणादेवीए सद्धिं धम्मियं जाणपवरं दुरूढे जाव' जेणेव गुणसीलए चेइए तेणेव उवागच्छइ जाव पजुवासइ।
एवं चेल्लणा वि जाव पज्जुवासइ।
१. उववाईसूत्र सु. ४८ २-४. उववाईसूत्र सु. ४८-५४
