________________
चौथी दशा
आठ प्रकार की गणि-सम्पदा
___सुयं मे आउसं! तेणं भगवया एवमक्खायं-इह खलु थेरेहिं भगवंतेहिं अट्ठविहा गणिसंपया पण्णत्ता।
प०-कयरा खलु ता थेरेहिं भगवंतेहिं अट्ठविहा गणिसंपया पण्णत्ता? उ०-इमा खलु ता थेरेहिं भगवंतेहिं अट्ठविहा गणिसंपया पण्णत्ता, तं जहा
१.आयारसंपया, २. सुयसंपया, ३. सरीरसंपया, ४. वयणसंपया,५. वायणासंपया,
६. मइसंपया, ७. पओगमइसंपया, ८. संगह-परिण्णा णामं अट्ठमा संपया। १. प०-से किं तं आयारसंपया? उ०-आयारसंपया चउव्विहा पण्णत्ता, तं जहा
१. संजय-धुव-जोग-जुत्ते याविभवइ, २.असंपग्गहिय-अप्पा, ३. अणियत-वित्ती,
४. वुड्डसीले यावि भवइ। से तं आयारसंपया। २. प०-से किं तं सुयसंपया? उ०-सुयसंपया चउव्विहा पण्णत्ता, तं जहा
१. बहुस्सुए यावि भवइ, २. परिचियसुए यावि भवइ, ३. विचित्तसुए यावि भवइ,
४. घोसविसुद्धिकारए यावि भवइ। से तं सुयसंपया। ३. प०-से किं तं सरीरसंपया? उ०- सरीरसंपया चउव्विहा पण्णत्ता, तं जहा
१. आरोहपरिणाहसंपन्ने यावि भवइ, २. अणोतप्पसरीरे यावि भवइ,
३. थिरसंघयणे यावि भवइ, ४. बहुपडिपुण्णिदिए यावि भवइ।से तं सरीरसंपया। ४. प०-से किं तं वयणसंपया? उ०-वयणसंपया चउव्विहा पण्णत्ता, तं जहा
१. आदेयवयणे यावि भवइ, २. महुरवयणे यावि भवइ, ३. अणिस्सियवयणे यावि
भवई, ४. असंदिद्धवयणे यावि भवइ।से तं वयणसंपया। ५. प०-से किं तं वायणासंपया? . उ०-वायणासंपया चउव्विहा पण्णत्ता, तं जहा
१. विजयं उद्दिसइ, २. विजयं वाएइ, ३. परिनिव्वावियं वाएइ,
४. अत्थनिजावए यावि भवइ।से तं वायणासंपया। ६. प०-से किं तं मइसंपया?
उ०-मइसंपया चउव्विहा पण्णत्ता, तं जहा
