________________
छठा उद्देशक
अब्रह्म के संकल्प से किये जाने वाले कृत्यों के प्रायश्चित्त
१. जे भिक्खू माउग्गास्स मेहुणं वडियाए विण्णवेइ, विण्णवेतं वा साइज्जइ । ___२-१०. जे भिक्खू माउग्गामस्स मेहुणवडियाए हत्थकम्मं करेइ, करेंतं वा साइज्जइ। एवं पढमुद्देशगमेण णेयव्वं जाव जे भिक्खू माउग्गामस्स मेहुणवडियाए अंगादाणं अण्णयरंसि अचित्तंसि सोयंसि अणुप्पवेसित्ता सुक्कपोग्गले णिग्घायइ, णिग्घायंतं वा साइज्जइ।
११. जे भिक्खू माउग्गामस्स मेहुणवडियाए अवाडि सयं कुज्जा, सयं बूया, करेंतं वा, बूएंतं वा साइज्जइ।
१२. जे भिक्खू माउग्गामस्स मेहुणवडियाए कलहं कुज्जा, कलहं बूया, कलहवडियाए बाहि गच्छइ, गच्छंतं वा साइज्जइ।
१३. जे भिक्खू माउग्गामस्स मेहुणवडियाए लेहं लिहइ, लेहं लिहावेइ, लेहवड़ियाए बाहिं गच्छइ, गच्छंतं वा साइज्जइ ।
१४. जे भिक्खू माउग्गामस्स मेहुणवडियाए पोसतं वा पिट्ठतं वा भल्लायण उप्पाएइ, उप्पाएंतं वा साइज्जइ ।
१५. जे भिक्खू माउग्गामस्स मेहुणवडियाए पोसंतं वा पिढेंतं वा भल्लायएण उप्पाएता।
सीओदग-वियडेण वा उसिणोदग-वियडेण वा, उच्छोलेज्ज वा, पधोवेज्ज वा, उच्छोलेंतं वा, पधोवेंतं वा साइज्जइ।
१६. जे भिक्खू माउग्गामस्स मेहुणवडियाए पोसंतं वा, पिट्ठतं वा, भल्लायएण उप्पाएता सीसोदग-वियडेण वा, उसिणोदग-वियडेण वा, उच्छोलित्ता, पधोवित्ता, अण्णयरेणं आलेवणजाएणं आलिपेज्ज वा, विलिपेज्ज वा आलिपंतं वा, विलिपंतं वा साइज्जइ।
१७. जे भिक्खू माउग्गामस्स मेहुणवडियाए पोसंतं वा पिढेंतं वा, भल्लायएण उप्पाएत्ता, सीओदग-वियडेण वा, उसिणोदग-वियडेण वा, उच्छोलेत्ता पधोवित्ता, अण्णयरेणंआलेवण-जाएणं आलिपित्ता विलिपित्ता, तेल्लेण वा जाव णवणीएण वा अन्भेगेज्ज वा, मक्खेज्ज वा, अभंगेंतं वा मक्खेंत्तं वा साइज्जइ।
Jain Education International
For Private & Personal Use Only
www.jainelibrary.org
