________________
२२]
[जम्बूद्वीपप्रज्ञप्तिसूत्र
परिक्खेवेणं, मझे देसूणाइं पण्णरस जोअणाइं परिक्खेवेणं, उवरि साइरेगाई णव जोअणाई, परिक्खेवेणं, मूले वित्थिण्णे, माझे संखित्ते, उप्पिं तणुए गोपुच्छसंठाणसंठिए, सव्वरयणामए, अच्छे सण्हे जाव पडिरूवे।
से णं एगाए पउमवरवेइयाइ एगेण य वणसंडेणं सव्वओ समंता संपरिक्खित्ते, पमाणं वण्णाओ दोण्हंपि।दाहिणड्डभरहकूडस्सणं उप्पिं बहुसमरमणिज्जे भूमिभागेपण्णत्ते, से जहाणामए आलिंगपुक्खरेइ वा जाव वाणमंतरा देवा य जाव विहरंति।)
तस्स णं बहुसमरमणिज्जस्स भूमिभागस्स बहुमझदेसभाए एत्थ णं महंएगे पासायवडिंसए पण्णत्ते-कोसं उर्दु उच्चत्तेणं, अद्धकोसं विक्खंभेणं, अब्भुग्गयमूसियपहसिए जाव पासाईए।
तस्स णं पासायवडिंसगस्स बहुमझदेसभाए एत्थ णं महं एगा मणिपेढिआ पण्णत्तापंच धणुसयाइं आयाम-विक्खंभेणं, अड्डाइज्जाहिं धणुसयाई बाहल्लेणं, सव्वमणिमई। तीसे णं मणिपेढिआए उप्पिं सिंहासणं पण्णत्तं, सपरिवार भाणियव्वं।
से केणद्वेणं भंते ! एवं वच्चइ-दाहिणड्डभरहकूडे दाहिणभरहकूडे ?
गोयमा ! दाहिणड्डभरहकूडे णं दाहिणड्डभरहे णामं देवे महिड्डीए, (महज्जुईए, महब्बले, महायसे, महासोक्खे, महाणुभागे) पलिओवमट्ठिईए परिवसइ।से णंतत्थ चउण्हं सामाणिअसाहस्सीणं, चउण्हं अग्गमहिसीणं सपरिवाराणं, तिण्हं परिसाणं, सत्तण्हं अणियाणं, सत्तण्हं अणियाहिवईणं, सोलसण्हं आयरक्खदेवसाहस्सीणं दाहिणड्डभरहकूडस्स दाहिणड्डाए रायहाणीए अण्णेसिं बहूणं देवाण य देवीण य जाव २ विहरइ।
कहि णं भंते ! दाहिणड्डभरहकूडस्स देवस्स दाहिणड्डा णामं रायहाणी पण्णत्ता? ____ गोयमा ! मंदरस्स पव्वयस्स दक्खिणेणं तिरियमसंखेजदीवसमुद्दे वीईवइत्ता, अण्णंमि जंबुद्दीवे दीवे दक्खिणेणं बारस जोयणसहस्साइंओगाहित्ता एत्थण दाहिणभरहकूडस्स देवस्स दाहिणड्डभरहा णामं रायहाणी भाणिअव्वा जहा विजयस्स देवस्स, एवं सव्वकूडा णेयव्वा( - सिद्धाययणकूडे, दाहिणड्डभरहकूडे, खंडप्पवायगुहाकूडे, मणिभद्दकूडे, वेअड्डकूडे, पुण्णभद्दकूडे तिमिसगुहाकूडे, उत्तरड्ढभरहकूडे,) वेसमणकूडे परोप्परं पुरथिमपच्चत्थिमेणं, इमेसिं वण्णावासे गाहा
मज्झ वेअड्डस्स उ कणगमया तिण्णि होति कूडा उ।
सेसा पव्वयकूडा सव्वे रयणामया होति॥ मणिभद्दकूडे १, वेअड्डकूडे २, पुण्णेभद्दकूडे ३-एए तिण्णि कूडा कणगामया, सेसा छप्पि रयणमया दोण्हं विसरिसणामया देवा कयमालए चेव णट्टमालए चेव, सेसाणं छण्हं सरि
१. देखें सूत्र संख्या ४ २. देखें सूत्र सख्या १२
