________________
३८४ ]
[जम्बूद्वीपप्रज्ञप्तिसूत्र कत्तिआकुलं ४, मिगसिरकुलं ५, पुस्सोकुलं ६, मघाकुलं ७, उत्तरफाग्गुणीकुलं ८, चित्ताकुलं ९, विसाहाकुलं १०, मूलोकुलं ११, उत्तरासाढाकुलं १२।
मासाणं परिणामा होति कुला उवकुला उ हेट्ठिमगा।
होति पुण कुलोवकुला अभीभिसय अद्द अणुराहा॥१॥ बारस उवकुलातं जहा-सवणो-उवकुलं, पुव्वभद्दवया-उवकुलं,रेवई-उवकुलं, भरणीउवकुलं, रोहिणी-उवकुलं, पुणव्वसू-उवकुलं,अस्सेसा-उवकुलं, पुव्वफग्गुणी-उवकुलं, हत्थोउवकुलं, साई-उवकुलं, जेट्ठा-उवकुलं, पुव्वसाढा-उवकुलं।
चत्तारि कुलोवकुला, तं जहा-अभिई कुलोवकुला, सयभिसया कुलोवकुला, अद्दा कुलोवकुला अणुराहा कुलीवकुला।
कति णं भंते ! पुण्णिमाओ, कति अमावासाओ पण्णत्ताओ? ___ गोयमा ! बारस पुण्णिमाओ, बारस अमावासाओ पण्णत्ताओ,तं जहा-साविट्ठी, पोट्ठवई, आसोई, कत्तिगी, मग्गसिरी, पोसी, माही, फग्गुणी, चेत्ती, वइसाही, जेट्ठामूली, आसाढी।
साविट्ठिण्णिं भन्ते ! पुण्णिमासिं कति णक्खत्ता जोगं जोएंति ? गोयमा ! तिण्णिाणक्खत्ता जोगं जोएंति, तं जहा-अभिई, सवणो, धणिट्ठा ३। पोट्ठवईणिं भंते ! पुण्णिमं कइ णक्खत्ता जोगं जोएंति ? गोयमा ! तिणि णक्खत्ता जोएंति, तं जहा-सयभिसया पुव्वभद्दवया उत्तरभद्दवया। अस्सोइण्णिं भंते ! पुण्णिमं कति णक्खत्ता जोगं जोएंति ?
गोयमा ! दो जोएंति, तं जहा-रेवई अस्सिणी अ, कत्तिइण्णं दो-भरणी कत्तिआ य, मग्गसिरिण्णं दो-रोहिणी मग्गसिरं च, पोसिं तिण्णि-अद्दा, पुणव्वसू, पुस्सो, माघिण्णं दोअस्सेसा मघा य, फग्गुणी णं दो-पुव्वाफग्गुणी य, उत्तराफग्गुणी य, चेत्तिण्णं दो-हत्थो चित्ता य, विसाहिण्णं दो-साई विसाहा य, जेट्ठामूलिण्णं तिण्णि-अनुराहा, जेट्ठा, मूलो, आसाढिण्णं दो-पुव्वासाढा, उत्तरासाढा।
साविट्ठिण्णं भंते ! पुण्णिमं कि कुलं जोएइ, उवकुलं जोएइ, कुलोवकुलं जोएइ ? गोयमा ! कुलं वा जोएइ, उवकुलं वा जोएइ, कुलोवकुलं वा जोएइ।
कुलं जोएमाणे धणिट्ठा णक्खत्ते जोएइ, उवकुलं जोएमाणे सवणे णक्खत्ते जोएइ, कुलोवकुलं जोएमाणे अभिई णक्खत्ते जोएइ।
साविट्ठीणं पुण्णिमासिं णं कुलं वा जोएइ।(उवकुलं वा जोएइ) कलोवकुलं व जोएइ, कुलेण वा जुत्ता उवकुलेण वा जुत्ता कुलोवकुलेणं वा जुत्ता साविट्ठी पुण्णिमा जुत्तत्ति वत्तव्यं सिआ।
