________________
षष्ठ वक्षस्कार ]
तिमिसगुहाओ, केवइआओ खंडप्पवायगुहाओ, केवइआ कयमालया देवा, केवइआ णट्टमालया देवा, केवइआ उसभकूडा पण्णत्ता ?
[३२७
गोयमा ! जंबुद्दीवे दीवे चोत्तीसं चक्कवट्टि - विजया, चोत्तीसं रायहाणीओ, चोत्तीसं तिमिसगुहाओ, चोत्तीसं खंडप्पवाय गुहाओ, चोत्तीसं कयमालया देवा, चोत्तीसं णट्टमालया देवा, चोत्तीसं उसभ- कूडा पव्वया पण्णत्ता ।
जंबुद्दीवे णं भंते! दीवे केवइआ महद्दहा पण्णत्ता ?
गोयमा ! सोलस महद्दहा पण्णत्ता ?
जंबुद्दीवे णं भंते! दीवे केवइआओ महाणईओ वासहरप्पवहाओ, केवइयाओ महाणईओ कुंडप्पवहाओ पण्णत्ताओ ?
गोयमा ! जंबुद्दीवे दीवे चोद्दस महाणईओ वासहरप्पवहाओ, छावत्तरिं महाणईओ कुंडप्पवहाओ, एवामेव सपुव्वावरेणं जंबुद्दीवे दीवे णउतिं महाणईओ भवंतीतिमक्खायं ।
जंबुद्दीवे दीवे भरहेरवएसु वासेसु कइ महाणईओ पण्णत्ताओ ?
गोयमा ! चत्तारि महाणईओ पण्णत्ताओ, तं जहा - गंगा, सिंधू, रत्ता, रत्तवई । तत्थ णं एगमेगा महाणई चउद्दसहिं सलिला - सहस्सेहिं समग्गा पुरत्थिम-पच्चत्थिमेणं लवणसमुद्दं समप्पेइ, एवामेव सपुव्वावरेणं जंबुद्दीवें दीवे भरह - एरवएसु वासेसु छप्पण्णं सलिला - सहस्सा भवंती - तिमक्खायंति।
जंबुद्दीवे णं भंते ! हेमवय- हेरण्णवएसु वासेसु कति महाणईओ पण्णत्ताओ ?
गोयमा ! चत्तारि महाणईओ पण्णत्ताओ, तं जहा - रोहिता, रोहिअंसा, सुवण्णकूला, रुप्पकूला । तत्थ णं एगमेगा महाणई अट्ठावीसाए अट्ठावीसाए सलिला - सहस्सेहिं समग्गा पुरत्थिपच्चत्थिमेणं लवणसमुद्दं समप्पेइ, एवामेव सपुव्वावरेणं जंबुद्दीवे दीवे हेमवय - हेरण्णव सु वासेसु बारसुत्तरे सलिला-सय-सहस्से भवंतीतिमक्खायं इति ।
जंबुवे भंते! वे हरिवास-रम्मगवासेसु कइ महाणईओ पण्णत्ताओ ?
गोयमा ! चत्तारि महाणईओ पण्णत्ताओ, तं जहा- हरी, हरिकंता, णरकंता, णारिकंता । तत्थ णं एगमेगा महाणई छप्पणाए २ सलिला - सहस्सेहिं समग्गा-पुरत्थिम पच्चत्थिमेणं लवणसमुद्द समप्पेइ। एवामेव सपुव्वावरेणं जंबुद्दीवे दीवे हरिवास-रम्मगवासेसु दो चउवीसा सलिला-सयसहस्सा भवंतीतिमक्खायं ।
जंबुद्दीवे णं भंते! महाविदेहे वासे कइ महाणईओ पण्णत्ताओ ?
गोमा ! दो महाणईओ पण्णत्ताओ, तं जहा - सीआ य सीओआ य । तत्थ णं एगमेगा महाणई पंचहिं २ सलिला-सय-सहस्सेहिं बत्तीसाए अ सलिला - सहस्सेहिं समग्गा पुरत्थिम
