________________
पञ्चम वक्षस्कार
अधोलोकवासिनी दिक्कुमारियों द्वारा उत्सव
१४५. जया णं एक्कमेक्के चक्कवट्टिविजए भगवन्तो तित्थयरा समुप्पज्जन्ति, तेणं कालेणं तेणं समएणं अहेलोगवत्थव्वाओ अट्ट दिसाकुमारीओ महत्तरिआओ सएहिं २ कूडेहिं, सएहिं २ भवणेहिं, सएहिं २ पासायवडेंसएहिं, पत्तेअं २ चउहि सामाणिअ-साहस्सीहिं, चउहिं महत्तरिआहिं सपरिवाराहिं सत्तहिं अणिएहिं, सत्तहिं अणिआहिवईहिं, सोलसहिं आयरवक्खदेव-साहस्सीहिं, अण्णेहिं अबहूहिं भवणवइ-वाणमन्तरेहिं देवेहिं देवीहि असद्धिं संपरिवुडाओ महया हयणट्टगीयवाइअ-(तंतीतलतालतुडियमुअंगपडुप्पवाइयरवेणं विउलाई) भोगभोगाइं भुंजमाणीओ विहरंति, तं जहा
भोगंकरा १ भोगवई २, सुभोगा ३ भोगमालिनी ४ ।
तोयधारा ५ विचित्ता य ६, पुप्फमाला ७ अणिंदिया ८॥१॥ तए णंतासिंअहेलोगवत्थव्वाणं अट्ठण्हं दिसाकुमारीणं मयहरिआणं पत्तेअंपत्तेअंआसणाई चलंति। तए णं ताओ अहेलोगवत्थव्वाओ अट्ठ दिसाकुमारीओ महत्तरिआओ पत्तेअं २ आसणाई चलिआई पासन्ति २ त्ता ओहिं पउंजंति, पउंजित्ता भगवं तित्थयरं ओहिणा ओभोएंति २ त्ता अण्णमण्णं सद्दाविंति २ त्ता एवं वयासी-उप्पण्णे खलु भो ! जम्बुद्दीवे दीवे भयवं तित्थयरे तं जीयमेअंतीअपच्चुप्पण्णमणागयाणं अहेलोगवत्थव्वाणं अट्ठण्हं दिसाकुमारीमहत्तरिआणं भगवओ तित्थगरस्स जम्मण-महिमं करेत्तए,तं गच्छामो णंअम्हेवि भगवओजम्मण-महिमं करेमोत्ति कट्ट एवं वयंति २ त्ता पत्तेअं पत्तेणं आभिओगिए देवे सद्दावेंति २ त्ता एवं वयासी-'खिप्पामेव भो देवाणप्पिआ ! अणेग-खम्भ-सय-सण्णिविद्वेलीलट्ठिअ० एवं विमाण-वण्णओ भाणिअव्वो जाव जोअण-वित्थिपणे जाणविमाणे विउव्वित्ता एअमाणत्तियं पच्चपिणहत्ति।'
तएणं से आभिओगा देवा अणेगखम्भसय जाव पच्चप्पिणंति,तए णंताओ अहेलोगवत्थव्वाओ अट्ट दिसाकुमारी-महत्तरिआओ हट्ठतुट्ठ० पत्तेयं पत्तेयं चउहिं सामाणिअसाहस्सीहिं चउहिं महत्तरिआहिं (सपरिवाराहिं सत्तहिं अणिएहिं सत्तहिं अणिआहिवईहिं सोलसएहिं आयरक्खदेवसाहस्सीहिं) अण्णेहिं बहूहिं देवेहिं देवीहि असद्धिं संपरिवुडाओ ते दिव्वे जाणविमाणे दुरूहंति, दुरूहित्ता सव्विड्डीए सव्वजुईए घणमुइंग-पणवपवाइअरवेणं ताए उक्किट्ठाए जाव देवगईए जेणेव भगवओ तित्थगरस्स जम्मणणगरे जेणेव तित्थयरस्स जम्मणभवणे तेणेव उवागच्छन्ति २त्ता भगवओ तित्थयरस्स जम्मणभवण तेहिं दिव्वेहिं जाणविमाणेहिं तिक्खुत्तो
१. देखें सूत्र संख्या ६८ २. देखें सूत्र संख्या ३४
